ज्योतिषका अनुसार कुनै पनि व्यक्तिको कुण्डलीमा मंगल भारी छ, भने उनीहरु मांगलिक वा तिनीहरुमा मंगल दोष हुन्छ। जन्म कुण्डली अध्ययन गर्दा कुण्डलीको पहिलो भाव, चौंथो भाव, सातौं भाव, आठौँ भाव वा बाह्रौँ भावमा मंगल उपस्थित छ भने त्यसले जन्मपत्रिकालाई मांगलिक बनाउँदछ। मांगलिक मानिसको कुण्डलीमा यदि मंगल ग्रह प्रथम भावमा वृष वा तुला राशिमा छ भने यस्ता मानिसको स्वास्थ्यमा नकारात्मक प्रभाव पर्छ। यस्ता व्यक्ति क्रोधित, झगडालु र जिद्दी हुन्छन्। त्यसैले यो भावसँग सम्बन्धित मांगलिक दोषको विशेष ख्याल राख्नु पर्दछ।
मांगलिक मानिसको स्वभाव
- मंगल ग्रहको प्रभावका कारण तिनीहरू छिट्टै रिसाउँछन्।
- तिनीहरू कामको बारेमा धेरै जोशिला छन्।
- यिनीहरुको वाणी निकै कठोर हुन्छ।
- यी मानिसलाई झगडा र लडाईको कुनै डर हुँदैन।
मांगलिकको विवाह मांगलिकसँग किन शुभ हुन्छ त ?
- कुण्डलीमा मंगल ग्रह भारी हुनाले मंगल ग्रहले व्यक्तिमा विशेष प्रभाव पार्दछ।
- कुण्डलीमा यदि मंगल ग्रहको प्रभाव अधिक छ भने त्यस्ता मानिसको यौनिकता ज्यादा हुन्छ।
- कामको लागि उनीहरूको उच्च इच्छाको कारण मांगलिक मानिसहरूले मंगलिकसँग विवाह गर्छन्।
- मंगलिकको विवाह मंगलिकसँग गर्दा उनीहरू एक अर्काको इच्छा राम्रोसँग पूरा गर्न सक्छन्।
कुण्डलीमा मंगल दोष
- जब कुनै व्यक्तिको जन्म कुण्डलीमा मंगल ग्रह भारी हुन्छ, तब त्यो व्यक्तिलाई मांगलिक भनिन्छ।
- वैदिक ज्योतिषका अनुसार यदि कुनै पनि व्यक्तिको कुण्डलीमा मंगल पहिलो, चौंथो, सातौँ, आठौँ, र बाह्रौँ भावमा छ भने त्यो व्यक्ति मंगलिक हुन्छ।
- कुण्डलीमा मंगल ग्रह भारी छ भने दाम्पत्य जीवनमा कठिनाई उत्पन्न हुन थाल्छन्।
मंगल दोषको प्रभाव
मंगल दोषको प्रभावले विवाहमा ढिला हुन सक्छ, विवाह टुक्रिन सक्छ, विवाह भए पनि जीवनसाथीसँग समन्वयको अभाव रहन सक्छ। यसको पछाडिको कारण भनेको कुण्डलीको सातौं भावले विवाह वा वैवाहिक जीवनलाई दर्शाउँछ र यस घरमा मंगल ग्रहको उपस्थिति अशुभ मानिन्छ। यहाँ मंगल ग्रहको स्थितिले पति र पत्नीको बीचमा द्वन्द्व, तनाव, झगडा, सम्बन्ध विच्छेद आदि गराउन पनि सक्छ।
उपाय
मंगलिक मानिसले मंगलको प्रभाव कम गर्न भगवान शिवको पूजा गर्नु पर्छ। मंगल ग्रहको अशुभ प्रभाव कम गर्नको लागि ज्योतिषमा केहि उपायहरु उल्लेख गरिएको छ। मुख्यतया कोरल लगाएर गहुँ, दाल, तामा, सुन, रातो फूल, रातो कपडा, रातो चन्दन, केसर, कस्तुरी, रातो बैल, भूमि आदि दान गर्नु पर्दछ।
