काठमाडौँ – पछिल्लो २४ घण्टामा नेपालमा २ हजार भन्दा बढीमा कोरोना सङ्क्रमण पुष्टि भएको छ । देशभर रहेका विभिन्न प्रयोगशालामा गरिएको परीक्षणबाट आज २ हजार भन्दा बढीमा कोरोना भाइरस संक्रमणको पुष्टि भएको हो।
स्वास्थ्य तथा जनसंख्या मन्त्रालयको नियमित प्रेस ब्रिफिङमा क्रममा प्रवक्ता डा. जागेश्वर गौतमले देश भर २ हजार ७१ जनामा कोरोना भाइरस संक्रमणको पुष्टि भएको जानकारी दिए। योसँगै देशभर हालसम्म संक्रमित हुनेको संख्या १ लाख ७ हजार ७७५ पुगेको छ।
विगत २४ घण्टामा १२ हजार ४२७ जनाको पिसिआर परीक्षण गरिएकोमा २ हजार ७१ जनामा कोरोना पुष्टि भएको हो।
यस्तै पछिल्लो २४ घण्टामा १ हजार ५५२ जना कोरोना मुक्त भएको छ। जससँगै कोरोनामुक्त हुनेको सङ्ख्या ७५ हजार ८०४ पुगेको छ । हाल देशभर ३१ हजार ३१५ जना सक्रिय सङ्क्रमित रहेका छन्।
हाल देशभर १३ हजार ६४९ संस्थागत आइसोलेशन र १७ हजार ६६६ जना होम आइसोलेशनमा रहेका छन् ।
मुलुकभर हालसम्म कोरोना संक्रमणको कारण मृ-त्यु हुनेको संख्या ६३६ पुगेको छ। पछिल्लो २४ घण्टामा मुलुकभर थप २२ जनाको ज्यान गएसँगै मृ-त्यु हुनेको संख्या ६०० पुगेको हो।
