काठमाडौँ – मोटरसाइकलले ठक्कर दिँदा चितवनमा एक बालकको निधन भएको छ।
चितवन जिल्लाको रत्ननगर स्थित झुवानीमा मोटरसाइकलमा निधन हुँदा एक ६ बर्षीय बालकको ज्यान गएको हो। ज्यान गुमाउनेमा रत्ननगर नगरपालिका वडा नम्बर ५ का युसेफ महत्तो रहेका छन्।
महत्तोलाई सोमबार साँझ घर अगाडी खेलिरहेको अवस्थामा टाँडी तर्फ आउदै गरेको प्रदेश ३,०२००१ प ८३६ नम्बरको मोटरसाइकलले ठक्कर दिएको थियो ।
ठक्कर पश्चात चितवन मेडिकल कलेज पुर्याइएको भएपनि उनको सोहि साँझ ६ः ५ बजे निधन भएको ईलाका प्रहरी कार्यलय टाँडीले जनाएको छ। ठक्कर दिने मोटरसाइकलका चालकलाई प्रहरीले नियन्त्रणमा लिएको छ।
