मंगलबार काठमाडौं उपत्यकामा २ हजार भन्दा बढीमा कोरोना संक्रमण पुष्टि भएको छ। उपत्यका तीनै जिल्लामा गरी आज २ हजार १२९ जना कोरोना संक्रमित थपिएका हुन्।
आज थपिएकामध्ये काठमाडौंका मात्र १७४६ जना रहेका छन्। त्यस्तै, स्वास्थ्य तथा जनसंख्या मन्त्रालयका अनुसार भक्तपुरमा १६७ र ललितपुरमा २१६ जनामा कोरोना संक्रमण पुष्टि भएको छ।
त्यस्तै, आज देशभर ३ हजार ५५६ जना कोरोना संक्रमित थपिएका छन्। योसँगै देशभर हालसम्म संक्रमित हुनेको संख्या १ लाख १५ हजार ३५८ पुगेको छ। अब देशभर सक्रिय संक्रमितको संख्या ३५ हजार ९१५ छ।
विगत २४ घण्टामा १५ हजार ५७७ जनाको पिसिआर परीक्षण भएको छ। त्यस्तै, पछिल्लो २४ घण्टामा मुलुकभर थप १८ जनाको ज्यान गएसँगै देशभर कोरोना संक्रमणबाट मृ-त्यु हुनेको संख्या ६६३ पुगेको छ।
पछिल्लो २४ घण्टामा १ हजार ५०३ जना कोरोना मुक्त भएसँगै कोरोनामुक्त हुनेको सङ्ख्या ७८ हजार ७८० पुगेको छ ।
