एजेन्सी – हालसालै बलिउड अभिनेत्री विद्या बालनले कास्टिंग काउचको विषयलाई लिएर एक सनसनीपूर्ण खुलासा गरेकी छन्। एक अन्तर्वार्ताको क्रममा बालनले कास्टिंग काउच बारे आफ्नो अनुभव सुनाएकी हुन्।
फिल्म स्टार बन्ने सपना बोकेर मुम्बई पुग्ने धेरै युवती मात्र नभई बलिउड नायिकाहरु समेत कास्टिंग काउचको शिकार बन्ने गरेका छन्। कास्टिंग काउच बारे धेरै अभिनेत्रीहरुले खुलासा गरिसकेका छन्।
विद्याको अनुभव !
कास्टिंग काउच बारे बालनले पनि आफ्नो अनुभव सुनाएकी छन्। कुनै एक समयमा लगभग १०-१२ चलचित्र फुत्किएपछि विद्या तनावमा थिइन्। त्यहि समयमा विद्याले सबै भन्दा धेरै समस्या झेल्न पर्यो। उनले अन्तर्वार्तामा बताएअनुसार त्यस समयमा उनी ऐना हेरेर टोलाई बस्थिन्। धेरै निर्देशक र निर्माता भेट्थिन्।
त्यहिक्रममा एक प्रक विद्या चलचित्र पाउने आशामा एक निर्देशक भेट्न चेन्नई पुगेकी थिइन्। काम बारे छलफल गर्न विद्या निर्देशकसँग कफीशप पुगेकी थिइन्। तर निर्देशक पटक-पटक होटेलको कोठा जानको लागि कर गरेको विद्याले अन्तर्वार्तामा सुनाइन्।
कोठा भित्र गएपछि कुरा मिल्ने निर्देशकको बताएपछि विद्या होटेलको कोठामा पनि गइन्, तर ढोका भने बन्द गर्न भने दिइनन्। निर्देशक त्यहाँ केहि समय बसे र आफूले खोजेको नपाउने भएपछि त्यहाँ बाट गए।
विद्याले अन्तर्वार्ताको क्रममा खुलासा गरेसँगै बलिउडमा एकपटक पुन : कास्टिंग काउचको चर्चा शुरु भएको छ। यस भन्दा अगाडी पनि कास्टिङ एजेन्ट तथा निर्देशकले बलिउडमा भाग्य परीक्षा गर्ने बहानामा नायिकाहरु माथि शोषण गर्ने गरेको खुलासा भैसकेका छन्।
कामको कुरा गर्नुपर्दा विद्या बालनको चलचित्र “मिशन मंगल” भारतमा प्रदर्शनरत छ। चलचित्रमा विद्याका अलावा अक्षय कुमार, तापसी पन्नू, कीर्ति कुल्हारी, सोनाक्षी सिन्हा, नित्या मेनन र शरमन जोशी जस्ता कलाकार मुख्य भूमिकामा छन्।
