एजेन्सी – विश्वचर्चित कलाकार तथा डब्लूडब्लूई रेस्लर जोन सेनाले विवाह गरेका छन्। जोन सेनाले शाए शारियातजादेसँग केहि दिन अगाडी मात्रै विवाह गरेका हुन्।
जोन सेना र शाए शारियातजा बीच यहि अक्टोबर १२ मा एक निजी समारोहका बीच विवाह गरेको र कानुनी रुपमा पनि विवाह दर्ता गरेको विभिन्न अन्तराष्ट्रिय संचार माध्यमहरुले जनाएका छन्।
जोन सेना र शाए केहि वर्ष देखि प्रेम सम्बन्धमा रहेका थिए। निकी बेलासँग हुने भनिएको विवाह हुन नसकेको केहि समय पछि नै यी दुई बीच प्रेम सम्बन्ध शुरु भएको थियो। बताइएअनुसार, यी दुईले गत फेब्रुअरीमा इंगेजमेन्ट गरेका थिए।
जोन सेनाको यो विवाह दोस्रो हो। यस अगाडी उनको विवाद सन् २००९ मा एलिजाबेथ हुबर्देउसँग भएको थियो। तर, उक्त विवाह सन् २०२ मा आएर टुंगिएको थियो।
एलिजाबेथसंग सम्बन्ध विच्छेद पश्चात डब्लूडब्लूईकै निकी बेलासँग सम्बन्ध शुरु भएको थियो। यी दुई सन् २०१२ देखि १८ सम्म प्रेम सम्बन्धमा रहेका थिए। जोन सेना र निकीले इंगेजमेन्ट पनि गरेका थिए तर, विभिन्न कारणले गर्दा विवाह भने हुन सकेन।
जोन सेनासँग हालै विवाह गरेकी शारियातजादे इरानी मूलकी क्यानेडियन युवती रहेकी छन्। सन् २०१९ को शुरुवात देखि शारियातजादे र जोन सेना प्रेम सम्बन्धमा रहेको बताइन्छ।
