एजेन्सी – बलिउडमा नायक इमरान हाशमीको पहिचान अन्य नायक भन्दा धेरै फरक छ। प्राय रोमान्टिक चलचित्रहरुमा देखा पर्ने इमरान हाशमी बलिउडमा ‘सी रि यल कि सर’ नाम बाट पनि परिचित छन्।
सन् २००४ मा आएको चलचित्र “म र्ड र” मा मल्लिका शेरावत र इमरानले कयौं बोल्ड र रोमान्टिक शिनहरु दिएका थिए। यसमा इमरान र मल्लिका बीचका धेरै अन्तरंग दृश्यहरु देखाइएको थियो।
यस चलचित्र पछि इमरानले धेरै चलचित्रमा काम गरे। तर प्राय चलचित्रमा उनले सो चलचित्रकै जस्तै शिनहरु दिए। हरेक चलचित्रमा चुम्बनको दृश्य दिएकै कारण इमरानको नाम ‘सीरियल किसर’ रहन गयो।
चलचित्र “म र्ड र”मा इमरानलाई एक विवाहित महिलासँग प्रेम भएको देखाइएको थियो। चलचित्रमा मात्र नभई कुनै एक समयमा इमरान वास्तविक जीवनमै विवाहित महिलासँग प्रेममा थिए।
उनले यस बारे एक अन्तर्वार्तामा खुलासा गरेका थिए। चलचित्र “म र्ड र”लाई जोडेर विवाहित महिलासँग प्रेम थियो भनेर प्रश्न गर्दा इमरानले सो बारे खुलासा गरेका थिए।
इमरानका अनुसार ती महिलाका पतिले इमरान र महिलालाई रंगेहात समेत पक्रिएका थिए। “महिलाका पतिले हाम्रो अफेयर बारे थाहा पाएछन्। एक दिन उनले हामीलाई रंगेहात पक्रिए।”,इमरानले अन्तर्वार्तामा भनेका थिए,”त्यहाँ हामी दुई बीच हात हालाहाल पनि भयो। तर हामी दुवैले चिनेका एक व्यक्तिले त्यस झगडा मिलाइदिए।”
