मेस्सी र ग्वार्डियोला पुनर्मिलन आशा भन्दा चाँडै हुन सक्ने देखिएको छ।
डेली स्टारको एक रिपोर्ट अनुसार म्यानचेस्टर सिटीले बार्सिलोनाका कप्तान लियोनल मेस्सीलाई लागि जनावरीमा फेरी प्रयास गर्ने योजना बनाइरहेको छ। तर सिटीले मेस्सीको लागि बार्सिलोना समक्ष मात्र १५ मिलियन डलरको प्रस्ताव राख्ने सोच गरेको छ। तर बार्सिलोनाले यति सस्तोमा आफ्नो कप्तानलाई जान दिने भने छैन।
सिजनको अन्तिममा बार्सिलोनासँगको सम्झौता सकिएपछि मेस्सी फ्रीमा क्लब छोड्न सक्नेछन्। तर म्यानचेस्टर सिटी उनलाई क्लब सकेसम्म छिटो भित्र्याउन चाहन्छ। मेस्सीले क्याम्प नाउ सीजनको अन्त्यमा नि:शुल्क छोड्ने अपेक्षा गरिएको छ। यस्तोमा बार्सिलोनाले सिटीको ‘लो बजेट बिड’ स्वीकार गर्छ वा गर्दैन भन्ने चासोको कुरा बनेको छ।
गत सिजनको अन्तिममा मेस्सीले बार्सिलोना छाड्न चाहेका थिए। म्यानचेस्टर सिटीलाई नै उनको गन्तव्यको रूपमा हेरिएको थियो। तर यो स्थानान्तरण असफल रह्यो।
