काठमाडौं । हिन्दुहरुले विगतका धेरै वर्ष अगाडिदेखि मान्दै आएको विजया दशमीको आज महासप्तमीः पछिल्लो २०७७ सालसम्म आइपुगेको छ । परम्परा अनुसार आज नवदुर्गामध्येकी कालरात्रि देवीको पूजा आराधना गरिने भएको छ ।
नवरात्रमा प्रत्येक दिन नवदुर्गाका एक–एक स्वरूपको आराधना गर्ने परम्पराअनुरूप नवरात्रको सातौँ दिन नवदुर्गाको सातौँ रूप कालरात्रिकोे पूजा–आराधना गरिन्छ । कालरात्रिको स्वरूप भयंकरको छ । कालो वर्णकी र केश फिँजाएकी यिनले गलामा विद्युत जस्तै चम्किने माला लगाएकी छन् ।
तीन आँखा भएकी कालरात्रिले बारम्बार निश्वास लिने गर्छिन् भने त्यसबाट अग्निको ज्वाला उत्पन्न हुने मान्यता रहिआएको छ । चार भुजा भएकी उनले तरवार र खड्ग धारण गरिरहेकी छन् ।
स्वरूप डरलाग्दो भए पनि कालरात्रिले आफ्ना भक्तहरूलाई सदैव कल्याण गर्छिन् भन्ने विश्वास भइ आएको छ ।महासप्तमीका दिन विद्याकी देवी महासरस्वतीको विशेष पूजा गरिन्छ। यस्तै भद्रकालीको आराधना पनि गरिन्छ। विभिन्न शक्तिपीठहरूमा पशु बलिसहितको पूजा पनि चल्छ।
आजै भित्र्याइने फूलपाती
परम्परा अनुसार बडा दशैँमा शक्तिपीठ र जमरा राखिएका दशैँघरमा महासप्तमीको बिहान वा दिउँसोको शुभसाइतमा नवपत्रिका भित्र्याइने चलन छ । त्यस विधीलाई बोलीचालीमा फूलपातीका रुपमा मानिदै आएको छ ।
सो अवसरमा केरा, दारिम, धान, हरिद्रा, मानक, कचु, बेल, अशोक र जयन्ती गरी ९ प्रकारका वनस्पतिलाई नवपत्रिका बुझिन्छ । ती ९ वटा वनस्पति भित्र्याई नवदुर्गालाई स्नान गराई प्रत्येक पत्रहरूमा विभिन्न देवीहरूको पूजा गरिने प्रचलन रहेको छ । नमा समेत विशेष कार्यक्रमका साथ फूलपाती भित्र्याउने चलन रहेकाे छ ।
