काठमाडौँ – कोरोमा भाइरस संक्रमणको महामारीका बीच पनि देशभर दशैँ मनाईंदै छ। सामाजिक दूरी सहित टिका थाप्ने क्रम देशभर जारी छ। नेपालीहरुको सबै भन्दा ठूलो चाडको रुपमा रहेको दशैँका तस्विरहरुले यतिबेला सामाजिक संजाल राताम्मे भएको छ। सामाजिक संजालमा सर्वसाधारण, कलाकार देखि राजनीतिक दलका नेताहरु सम्मका तस्विरहरु छाएका छन्।
यसै बीच नेपालकी चर्चित नायिका प्रियंका कार्कीले विवाह पछिको पहिलो दशैं मनाएकी छन्। गत वर्ष नायक आयुष्मान देशराज जोशीसंग विवाह गरेकी कार्कीले यस वर्ष विवाह पछिको पहिलो दशैं मनाएकी हुन्।
प्रेम सम्बन्धमा रहँदा नै आयुष्मानकी आमा रविना देशराज जोशीसँग थापिसकेकी कार्कीले यस पटक आयुष्मान, प्रियंका र नायक आशिरमान देशराज जोशीसंगै टिका थापिन्। यस्तै आयुष्मानले पनि ज्वाइको रुपमा प्रियंकाको माइतीघरमा पहिलो पटक टिका थापे। नायिका कार्की तथा नायक आयुष्मान दुवैले दशैँका तस्विरहरु सामाजिक संजाल मार्फत सार्वजनिक गरेका छन्।
नायिका आंचल शर्माले पनि मनाईन् विवाह पछिको पहिलो दशैँ
गत वर्ष मात्रै डा. उदिप श्रेष्ठसंग विवाह गरेकी नायिका आंचल शर्माले पनि विवाह पछिको पहिलो दशैँ मनाएकी छन्। नायिका शर्माले दशैँका तस्विरहरु सामाजिक संजाल मार्फत नै सार्वजनिक गरेकी छन्।
तस्विर : सामाजिक संजाल
