काठमाडौँ, कार्तिक १९। अभिनेत्री साम्राज्ञी राज्यलक्ष्मी शाहले नेपाली चलचित्र क्षेत्रमा अभिनय गरेको करिब ५ वर्ष भैसकेको छ। तर उनले अहिलेसम्म एउटा पनि म्युजिक भिडियोमा काम गरेकी थिइनन्। तर उनले हालै पहिलो म्युजिक भिडियोमा अभिनय गरेकी छिन्।
पहिलो पटक म्युजिक भिडियोमा देखेकी सम्राज्ञीको अपोजिटमा उनकै प्रेमी देवान्श शमशेर राणा फिचर्ड छन्। सम्राज्ञीले आफ्नो करियरको पहिलो म्युजिक भिडियो नै आफ्नी आमाको गितमा गरेकी हुन्। यस म्युजिक भिडियोमा सम्राज्ञीकी आमा नेहा आर एल शाहको आबाज रहेको छ। ‘तिमि र म’ बोलको यस गितमा बिराज गौतम शब्द र संगीत रहेको छ। साथै यस भिडियोको क्रियटिभ डिरेक्टर सम्राज्ञी हुन्।
