नोवेम्बर ४ मा भारतभर करवाचौथ मनाइएको थियो। यो पर्व साधारण मानिस देखि लिएर सेलिब्रेटीहरुले पनि मनाउने गर्छन। आफ्नो पतिको लामो आयुको लागि महिलाहरु यसदिन निर्जल व्रत बस्छन् । त्यस्तै बलिउड अभिनेत्री प्रियंका चोपडा, गायिका नेहा कक्कर लगायतले पनि यो पर्व मनाएका छन्।
प्रियंकाले आफ्नो पतिको लागि करवाचौथको व्रत गरि पूजा गरेकी हुन्। प्रियंका विवाह भएदेखि विदेशमा नै बस्दै आएकी छिन्। प्रियंकाले आफ्नो करवाचौथको तस्विर सोशल मिडियामा शेयर गरेकी छिन्। जसमा उनि निकै सुन्दर देखिएकी छिन्।
त्यस्तै चर्चित गायिका नेहाले पनि विवाहपछिको पहिलो करवाचौथमा व्रत बसेकी थिइन्। उनले केहि दिन अघि मात्रै रोहन प्रित सिंहसंग विवाह गरेकी थिइन्।
