काठमाडौँ – भारतीय अभिनेत्री पुनम पाण्डे पक्राउ परेकी छन् । प्रहरीले अश्लिल भिडियो सुट गरेको आरोपमा पाण्डेलाई पक्राउ गरेको हो।
गोवाको अगौडामा अश्लिल भिडियो सुट गरेको एफआईआर दर्ता भएपछि पाण्डेलाई प्रहरीले पक्राउ गरेको भारतीय संचार माध्यमहरुले जनाएका छन्।
उनीबिरुद्ध गोवा परवर्ड पार्टीकी महिला विंगले एफआईआर दर्ता गरेका गोवाका एसपीले बताएका छन्। उनका अनुसार पुनम पाण्डेसँग सोधपुछ गरिनेछ।
गोवा पुलिसले उनलाई पक्राउ गरेको तस्विर समेत बाहिर आएका छन्। सार्वजनिक भएका तस्विरमा उनीसँगै उनका पति श्याम बाम्बे समेत देखिएका छन्।
अभिनेत्री पुनम पाण्डे पटक-पटक विवादमा पर्ने गरेकी छन्। चर्चामा आउन उनले जुनै पनि हद सम्म जाने र गर्ने गरेकी छन्। पुनमले गत सेम्बटेम्बरमा प्रेमी श्याम बम्बेसँग बिवाह गरेकी थिइन् ।
