बलिउडमा यस्ता थुप्रै चलचित्रहरू छन् जसमा धेरै दिग्गज कलाकारहरू एकै पर्दामा देखा पर्दछन्। थुप्रै अभिनेताहरूले धेरै चलचित्रहरूमा सँगै काम गरेका छन्, जबकि बलिउडमा यस्ता स्टारहरू पनि छन् जसले कहिल्यै सँगै काम गरेका छैनन् वा निकै कम काम गरेका छन्। उनीहरु मध्य नै पर्छन् दुई बलिउड दिग्गज शाहरुख खान र अक्षय कुमार।
शाहरुख खान र अक्षय कुमारले मुख्य भूमिकामा कहिल्यै सँगै काम गरेका छैनन्। शाहरुख खानले एक अर्कासँग काम नगर्नुको बारेमा ठूलो खुलासा गरेका छन्। वास्तवमा शाहरुख खानले हालसालै मिडियालाई एक अन्तर्वार्ता दिए। यस अन्तर्वार्तामा बलिउडका किंग खानले अक्षय कुमारसँग काम नगरेको बारेमा बोलेका छन्।
शाहरुख खानले अक्षय कुमारसँग काम नगरेको बारेमा एक हास्यास्पद कुरा भनेका छन्। उनले भने, ‘म के भनूँ? म अक्षय जस्तो चाँडै उठ्दिन। जब उनी ब्यूँझन्छन्, म सुत्न जान्छु। उसको दिन छिटै शुरु हुन्छ। जब म काम सुरू गर्छु, उनीहरु प्याक-अप गरेर घर जान्छन्। म रातभर जाग्ने मान्छे हुँ। मेरो जस्तो, बाँकी मानिसहरूको राती काम गर्ने बानी छैन।’
शाहरुख खानले भने कि यदि उनी र अक्षय कुमारले एक फिल्ममा साथै काम गरे भने उनीहरूको सेटमा एक अर्कासँग भेट नै हुँदैन। शाहरुख खानले भने, ‘दुई जनाको सेटमा भेट नै हुँदैन। ऊ सेटबाट जानेबेला मेरो आउने समय हुनेछ। म अक्षयसँग काम गर्न चाहन्छु तर हाम्रो समय मेल खाँदैन।’ शाहरुख खानको यो कथनको अहिले धेरै चर्चा भइरहेको छ।
अक्षय कुमार र शाहरुख खानले कहिल्यै कुनै फिल्ममा लीड एक्टरको रूपमा सँगै काम गरेका छैनन्। यद्यपि यी दुबै कलाकारहरूले एक अर्काका फिल्महरूमा निश्चित रूपमा क्यामियो रोल भने गरेका छन्। अक्षय कुमार पहिलो पटक शाहरुख खानको ‘दिल तो पागल है’ मा क्यामको भूमिकामा देखा परेका थिए। त्यस्तै, शाहरुख खान अक्षय कुमारको फिल्म हे बेबीमा एउटा गीतमा नजर आएका थिए।
