एजेन्सी – चीनमा एक महिलाले आफ्नै श्रीमानलाई बाँधेर नदीमा बगाएकी छन्। परस्त्रीसँग रङ्गेहात भेटिएका एक पुरुषलाई उनकी श्रीमतीले बाँधेर नदीमा बगाइदिएकी हुन्।
घटना दक्षिण चीनको माओमिङ शहरको रहेको अन्तराष्ट्रिय संचार माध्यम डेलीमेलले जनाएको छ। डेलीमेलका अनुसार उक्त घटना गत शुक्रवार घटेको थियो।
परस्त्रीसँग सम्बन्ध राखेको रङ्गेहात फेला पारेपछि ती महिलाले पिंजडामा बन्द गरेर नदीमा फालेको एक भिडियो समेत सार्वजनिक भएको छ। सार्वजनिक भएको भिडियोमा एक निव’स्त्र पुरुष देखिएका छन्। भिडियोमा ती महिलासँग आएका अन्य केहि मानिसले ती महिलाका पतिको हात बाधेर उनलाई बाँसको पिंजडामा हालेको देखिन्छ।
ती महिला र उनीहरु रहेका अन्य मानिसहरु त्यतिमा मात्रै रोकिँदैनन्। उनीहरुले रङ्गेहात फेला परेका पुरुषलाई नदीमा लगेर समेत बगाइदिन्छन्। डेलीमेलका अनुसार नदीमा बगाइएपनि ती पुरुष भने बाँच्न सफल भएका छन्।
ती पुरुषलाई अन्य मानिसहरुले उद्धार गरेर नदीबाट बाहिर ल्याई अस्पताल पुर्याएका हुन्। उनको अहिले उपचार भइरहेको छ। बताइएअनुसार, उनी स्वास्थ्य अवस्था सामान्य बन्दै गइरहेको छ।
भिडियो भाइरल भएसँगै स्थानीय प्रहरीले उक्त घटना बारे अनुसन्धान शुरु गरिसकेको छ। प्रहरीले पत्नी सहित चार जनालाई हिरासतमा लिसकेको छ।
