एजेन्सी – भारतीय क्रिकेट टोलीका कप्तान विराट कोहलीले ओडिआई क्रिकेटमा आफ्नो १२ हजार रन पूरा गर्दै पूर्व कप्तान सचिन तेन्दुलकरको कीर्तिमान तोडेका छन् ।
मानुका ओभल क्यानबेरामा अष्ट्रेलियासँग तेस्रो ओडिआई जारी खेलमा कोहलीले २३ रन बनाउँदै आफ्नो १२ हजार रन पूरा गरेका छन् । कोहली यो सँगै ओडिआईमा सर्वाधिक छिटो इनिङमा १२ हजार रन पूरा गर्ने ब्याट्सम्यान बनेका छन् ।
कोहलीले २ सय ४२ इनिङमा सफलता हात पारेका छन् । समग्रमा ओडिआईमा १२ हजार रन जोड्ने कोहली छटौं र भारतीय दोस्रो खेलाडी पर्दछन् । ओडिआईमा १२ हजार रन श्रीलंका तीन, भारतका दुई र अष्ट्रेलिया एक ब्याट्सम्यानले बनाउन सकेका छन् ।
भारतीय क्रिकेट टोलीका पूर्व कप्तान सचिन तेन्दुलकरले ३ सय इनिङमा ओडिआईमा यस सफलता हात पारेका थिए । अष्ट्रेलिया सर्वाधिक सफल विश्वकप विजेता रिकी पोन्टिङले ३ सय १४, श्रीलंका पूर्व कप्तान कुमार सांगकाराले ३ सय ३६, सनाथ जयसूर्याले ३ सय ७९ र माहेला जयवर्धने ३ सय ९९ इनिङमा ओडिआईमा १२ हजार रन पूरा गरेका थिए । २ सय ४२ इनिङमा कोहलीले ४३ शतक र ५९ अर्ध शतक प्रहार गरेका छन् ।
ओडिआईमा सर्वाधिक रन बनाउने कीर्तिमान सचिनको नाममा छ । उनले ४ सय ६३ खेलमा ४ सय ५२ इनिङमा ब्याटिङ गर्दै ४९ शतक र ९६ अर्ध शतकका साथ १८ हजार ४ सय २६ रन बनाएका छन् । कुमार सांगकाराले ४ सय ४ खेलमा १४ हजार २ सय ३४ रन बनाएका छन् । उनले २५ शतक र ९३ अर्ध शतक प्रहार गरेका छन् ।
पोन्टिङ ३ सय ७५ खेलमा १३ हजार ७ सय ४ रन बनाएका छन् । उनको नाममा ३० शतक र ८२ अर्ध शतक सामेल छ । जयसूर्या ४ सय ४५ खेलमा १३ हजार ४ सय ३० रन बनाएका छन् । जयसूर्याले २८ शतक र ६८ अर्ध शतक प्रहार गरेका छन् । जयवर्धने ४ सय ४८ खेलमा १२ हजार ६ सय ५० रन बनाएका छन् । उनले १९ शतक र ७७ अर्ध शतक प्रहार गरेका छन् ।
