डिएगो माराडोनाका छोराले आफ्नो बुवाले खेलेका सबै क्लबले उनको सम्मानको रूपमा १० नम्बर जर्सी रेटायर गर्नु पर्ने बताएका छन्। उनले बार्सिलोनाले पनि अबबाट १० नम्बर कसैलाई लगाउन दिन नहुने बताए।
अहिले बार्सिलोनामा लियोनल मेस्सीले नम्बर १० को जर्सी लगाउँछन्। मेस्सीले आइतबार बेलुका ओसासुनासँग भएको खेलमा गोल गरेपछि माराडोनालाई सम्मानित गरेका थिए। उनले आफ्नो जर्सी भित्र लगाएको म्याराडोनाको न्यूवेल्स ओल्ड बोइजको १० नम्बरको जर्सी देखाउँदै म्याराडोनाको सम्मान गरेका थिए।
यस्तोमा, म्याराडोनाका छोरा डिएगो सिंगाराले आफ्ना बुबाले खेलका सबै क्लबले अबबाट १० नम्बर जर्सी प्रयोग गर्न नहुने बताएका छन्। जुन आग्रहले जसले मेस्सीलाई नयाँ नम्बर खोज्न बाध्य तुल्याउन सक्छ।
नम्बर १० लाई रेटायर गर्नुपर्नेछ कि भनेर सोध्दा, सिनाग्राले भने: “मेरा बुबाले खेल्ने बार्सिलोनालगायतका टोलीहरूमा यस्तो गर्नुपर्छ, यसमा शंका छैन। तर ती सबै अन्य कुरा हुन्। पहिला म यो कठिन समयबाट अगाडी बढ्नमा केन्द्रित छु।”
