धर्मेन्द्रलाई जन्मदिनको शुभकामना दिँदै हेमाले लेखिन् यस्तो प्यारो सन्देश !

मङि्सर २३, २०७७ MT

बलिउडका हे म्यान भनेर चिनिने अभिनेता धर्मेन्द्र आज ८५ औं जन्मदिन मनाउँदै छन्। धर्मेन्द्रको जन्मदिनमा उनका प्रशंसकहरु तथा साथीहरु लगायतका बधाई दिनेको लहर छ। यस्तोमा धर्मेन्द्रकी श्रीमती तथा बलिउडकी ड्रिम गल हेमा मालिनीले पनि उनको जन्मदिनको अवसरमा ट्वीटरमा निकै प्यारो सन्देश साझा गर्दै शुभकामना दिएकी छिन्।

हेमाले सामाजिक संजालमा धर्मेन्द्रसँग पुरानो तस्बिर पोस्ट गर्दै जन्मदिनको शुभकामना व्यक्त गरेकी छिन्। हेमाले यस चित्रको साथ धेरै प्यारा सन्देश पनि लेखेकी छिन्। हेमाले तस्वीर साझा गर्दै लेखिन्, ‘आज हामी धरम जीको जन्मदिन मनाइरहेका छौं। यो तपाईं सबै फ्यानहरूको प्रेम र स्नेह हो, जो अझै हाम्रो फिल्महरू हेर्नुहुन्छ र यसको कदर गर्नुहुन्छ र हामी तपाईंको सम्झनामा रहन्छौं। यहि कुराले हामीलाई काम गर्न प्रेरित गर्छ र अन्तसम्म हामीलाई तपाईंको प्रार्थनाको आवश्यकता पर्नेछ। मायाको लागि धन्यवाद।’

हेमा मालिनीको यो पोष्ट सामाजिक संजालमा निकै भाइरल भइरहेको छ। दुबै स्टारक फ्यानहरु यो पोस्टलाई मन पराइरहेका छन् र धर्मेन्द्रलाई जन्मदिनको शुभकामना व्यक्त गरिरहेका छन्।

प्रकाशित : मङ्गलबार, मङि्सर २३, २०७७१८:१७

मनोज गजुरेलसँग विवाहको हल्ला चलाइएपछि वर्षाको आक्रोश, कुप्रचार गर्नेमाथि कडा प्रहार !