नेयमार गम्भीर घाइते, उठ्नै नसक्ने भएपछि स्ट्रेचरमा रुँदै मैदान छाडे ![भिडियो सहित]

मङि्सर २९, २०७७ ST

एजेन्सी – फ्रान्सेली क्लब पेरिस सेन्ट जर्मेनका ब्राजिलियन सुपरस्टार नेयमारले आइतबार लियोनविरुद्ध खेलमा गम्भीर चोट बोकेका छन् ।

दोस्रो हाफको इन्ज्युरी समयको छैटौं मिनेटमा लियोनका टिआगो मेन्डेसले डरलाग्दो ट्याकल गरेपछि नेयमार घाइते हुन पुगेका थिए । मेन्डेसले स्लाइड ट्याकल गर्ने नेयमारको खुट्टा उनको दुवै खुट्टाको बिचमा अड्किएको थियो । रेफ्रीले उक्त ट्याकल गरेका मेन्डेसलाई सिधै रातो कार्ड देखाएका थिए ।

नेयमार ट्याकलपछि चोटका कारण मैदानमा नै ढलेका थिए । निकै दुखाइमा रहेका उनी रुन थालेपछि सहकर्मीले सम्झाउने प्रयास गरेका थिए । मेडिकल टोलीले स्ट्रेचरमा हालेर लाग्दा पनि उनको आँशु रोकिएको थिएन । मैदान छाडेपछि उनको चोटको अवस्था बुझ्न अस्पताल लागिएको थियो । हाल खुट्टा निकै सुन्निएकोले सोमबार मात्र विस्तृत परिक्षण गरिने बुझिएको छ ।

पिएसजीको स्वास्थ्य टोलीको प्रारम्भिक जानकारी अनुसार गम्भीर चोट नभएको अवस्थामा पनि नेयमार केहि साताका लागि मैदान बाहिर रहनेछन् । पछिल्लो समय नेयमार निकै लयमा रहेका थिए । उनले पछिल्लो ४ खेलमा ७ गोल गरेका छन् । च्याम्पियन्स लिगको अन्तिम १६ मा स्थान पक्का गरेको पिएसजी लियोनविरुद्ध हारेपछि भने लिगको तेस्रो स्थानमा झरेको छ ।

प्रकाशित : सोमबार, मङि्सर २९, २०७७१४:५०

च्याम्पियन्स लिग अन्तिम १६ ड्र: बार्सिलोना र पिएसजी भिड्ने