बुधबार राति भएको रियल भालाडोलिड विरुद्ध बार्सिलोनाले ३-० को सहज जित निकाल्यो। बार्सिलोनाको जितमा हिरो बने कप्तान लियोनल मेस्सी। उनले खेलमा एक गोल गर्नुका साथै १ असिस्ट पनि प्रदान गरे।
सिजनको ७ औं लिग गोल गर्ने क्रममा मेस्सीले ब्राजिलियन लेजेण्ड पेलेको रेकर्ड तोडे। मेस्सीले गरेको उक्त गोल बार्सिलोनाको लागि उनको ६४४ औं गोल थियो, जुन कुनै पनि खेलाडीले एकै क्लबको लागि गरेको सर्वाधिक हो। यस अघि पेलेले सान्तोसको लागि ६४३ गोल गरेका थिए।
खेलपछि पोस्ट-म्याचमा बार्सिलोनाका कोच रोनाल्ड कोमनले लियोनल मेस्सी क्लबमा खुसी रहेकोमा आफू विश्वस्त रहेको समेत बताए।
𝗦𝗶𝘅! 𝗙𝗼𝗿𝘁𝘆! 𝗙𝗼𝘂𝗿! 🐐 pic.twitter.com/nP1eB8a14m
— FC Barcelona (@FCBarcelona) December 22, 2020
गत सिजनको अन्तिममा बार्सिलोना छाड्ने प्रयास गरेपनि अहिले भने मेस्सी बार्सिलोनामा निकै खुसी रहेको कोमन विश्वास गर्छन्।
“मैले यो धेरै पटक भनेको छु,” बार्साका प्रशिक्षक कोम्यानले भने,”मैले मेस्सीलाई सधै खुसी नै देखेको छु।”
“उनी हाम्रो लागि सृजनात्मकताको साथ धेरै महत्त्वपूर्ण छन्”, कोमनले भने।
https://www.goal.com/en/news/record-breaker-messi-is-happy-at-barcelona-insists-koeman/bctizd16qaj61jmhhjxbc18vv
