एजेन्सी – बार्सिलोनाका लिओनल मेस्सीले भ्यालेन्सियाविरुद्ध गोल गर्दै एकै क्लबबाट सर्वाधिक गोल गर्ने ब्राजिलियन महान खेलाडी पेलेको कीर्तिमानीसँग बराबरी गरेका थिए ।
फुटबल इतिहासकै दुई सफल खेलाडीबीच धेरै समानता रहेको छ । यी दुई सुपर स्टारबीचका १० समानता यस्तो छ ।
१. एउटा क्लबका लागि सर्वाधिक गोल
पेलेले सान्तोषबाट खेल्दै ६ सय ४३ गोल गरेका थिए । मेस्सीले पनि बार्सिलोनाबाट खेल्दै सोही कीर्तिमानी बनाएका छन् ।
२. क्याम्प नोउमा धेरै
मेस्सीले बार्सिलोनाको घरेलु मैदान क्याम्प नोउमा मात्र ३ सय ७८ गोल गरेका छन् । पेलेले एउटै मैदानमा गोल गरेका थिए । सन् १९५९ र १९६० मा समान ३ गोल गरेका थिए भने १९६३ मा अर्को गोल गरेका थिए ।
३. नम्बर जर्सी १०
पेलेले आफ्नो खेल जीवनमा पहिला सान्तोष र पछि न्यू योर्क कसमसमा १० नम्बर जर्सी लगाएका थिए । मेस्सीले ३० नम्बरको जर्सीबाट आफ्नो व्यवसायिक खेल जीवन सुरु गरेका थिए । पछि १९ नम्बर जर्सी लगाएका मेस्सीले २००८/०९ बाट बार्सिलोनामा जर्सी नम्बर १० लगाइरहेका छन् ।
४. मैत्रीपूर्ण खेलमार्फत ‘डेब्यू’
दुवै महान खेलाडीले मैत्रीपूर्ण खेलमार्फत व्यवसायिक जीवनको सुरुवात गरेका थिए । १९५६ मा पेलेले सान्तोषबाट कोरियथेन्सविरुद्ध १५ वर्षमा डेब्यू गरेका थिए । त्यस्तै मेस्सीले २००३ मा पोर्टोविरुद्ध १६ वर्षको उमेरमा डेब्यू गरेका थिए ।
५. गोल मेसिन
पेलेले खेल जीवनमा ७ सय ८६ खेलमा ७ सय ५७ गोल गरेका थिए । उनको गोल औसत प्रति खेल ०.९३ रहेको छ । मेस्सीले प्रति खेल ०.७९ को औसतमा गोल गरिरहेका छन् ।
६. थुप्रै व्यक्तिगत अवार्ड
दुवैले प्रतिष्ठित र व्यक्तिगत अवार्ड प्राप्त गरेका छन् । दुवैले विश्व कपमा गोल्डने बल जितेका छन् । पहिलो पेलेले १९७० को विश्व कप र मेस्सीले २०१४ को विश्व कपमा गोल्डने बल जितेका थिए ।
दोस्रो दुवै टाइम्स म्यागेजिनको टाइम्स १०० मा परेका थिए । पेलेलाई १९९९ को ब्राजिलको शतब्दीकै महत्वपूर्ण व्यक्ति घोषित गरिएको थियो । त्यस्तै अर्जेन्टिनामा मेस्सीलाई २०१२ मा त्यस्तै घोषणा गरिएको थियो ।
७. विश्व कपमा आफ्नो देशका लागि गोल गर्ने युवा खेलाडी
पेले र मेस्सी दुवैले सबै भन्दा कम उमेरमा विश्व कपमा गोल गरेका थिए । ब्राजिलियन पेलेले १६ वर्ष २ सय ५९ दिनमा गोल गरेका थिए । अर्जेन्टिनी स्टारले १८ वर्ष ३ सय ५७ दिनमा विश्व कपमा गोल गरेका थिए ।
८. समान उचाई
फुटबलमा उचाईले मात्र खासै फरक पर्दैन भन्ने यी दुई खेलाडीबाट प्रष्ट हुन्छ । पेले र मेस्सी दुवै १ सय ७५ सेन्टिमिटर भन्दा बढी छैनन् । पेले १ सय ७३ र मेस्सी १ सय ७० सेन्टिमिटरका छन् ।
९. सरकारी सम्मान
दुवै सुपर स्टारले आ आफ्नो देशबाट प्रतिष्ठित सम्मान प्राप्त गरेका छन् । १९९२ मा पेलेलाई ब्राजिलियन सरकारले नेशनल अर्डर अफ मेरिटबाट सम्मान गरेको थियो । त्यस्तै अर्जेन्टिनाले मेस्सीलाई प्रतिष्ठित सम्मान गरेको थियो ।
१०. दक्षिण अमेरिकी सर्वाधिक गोलकर्ता
पेले दक्षिण अमेरिकी खेलाडीमा सर्वाधिक गोल गर्नेमा पर्दछन् । उनको नाममा ७७ गोल छ । मेस्सीले ७१ गोलका साथ उनलाई पछ्याइ रहेका छन् । पेले कीर्तिमान भंग गर्न बाँकी रहेको मध्ये यो एक हो ।
