कसले कति गोल गरे त यो सिजन च्याम्पियन्स लिगमा ? उच्च गोलकर्ता को ?

२०२०-२१ सिजन च्याम्पियन्स लिगको समूह चरण पनि सम्पन्न भइसकेको छ। अन्तिम १६ को ड्र सार्वजनिक भएको छ। फेब्रुवरीबाट नकआउट चरणहरू सुरु हुँदैछ।

समूह चरणका खेल समाप्तिसँगै अन्तिम १६ मा अझै रोमान्चक खेलहरु हुँदैछ। समूह चरणको सम्पति हुँदासम्म यस प्रतियोगितामा सबैभन्दा बढी गोल गर्ने खेलाडी को हुन् त ?

च्याम्पियन्स लिग २०२०-२१ उच्च गोलकर्ता

वन्डरकिड एरलिङ हालान्ड, नेइमार, मार्कस राशफोर्ड र अल्वारो मोराटा सबै ६-६ गोलका साथ अग्रस्थान छन्। यद्यपि म्यानचेस्टर यूनाइटेड यूरोपा लिगमा घटुवा हुनाले राष्टफोर्डले आफ्नो गोल ट्याली अगाडी बढाउन सक्दैनन्।

सेभिल्लासँगको एकै खेलमा ४ गोल गरेका चेल्सीका ओलिभर जिरुड, बोरुसिया मोन्चेन्ग्लाद्बका अलासेन प्ल्या र लाजियोको सिरो इम्मोबाइल सबैको नाममा ५-५ गोल छ।

गत सिजनको च्याम्पियन्स लिगमा रोबर्ट लेवन्डोव्स्की शीर्ष गोलकर्ता थिए। उनले बार्यन म्युनिखलाई विजता बनाउने क्रममा कुल १५ गोल गरेका थिए।