बुधबार करिब दुई महिनाकै महँगो भएको सुनको मूल्य बिहिबार भने ह्वात्तै घटेको छ। नेपाल सुनचाँदी व्यवसायी महासङ्घका अनुसार बिहिबार सुनको मूल्य तोलामा १ हजार ३ सय रुपैंयाले घटेको छ।
बिहिबारको भारी गिरावटसँगै छापावाला सुनको मूल्य प्रतितोला रु ९५ हजार ४ सय र तेजाबी सुनको मूल्य प्रतितोला रु ९४ हजार ९ सय कायम भएको नेपाल सुनचाँदी व्यवसायी महासङ्घले जनाएको छ।
यस अगाडी मंगलबार १ हजार १ सय रुपैंयाले बढेको सुनको भाउ बुधबार पनि ३ सय रुपैयाँले बढेर प्रतितोला ९६ हजार ७ सयमा कारोबार भएको थियो।
चाँदीको मूल्यमा सामान्य गिरावट
बिहिबार चाँदीको मूल्यमा सामान्य मात्र गिरावट भएको छ। नेपाल सुनचाँदी व्यवसायी महासङ्घका अनुसार चाँदीको मूल्य तोलामा १० रुपैंयाले घटेर १ हजार ३ सय ३० कायम भएको छ।
