राष्ट्रिय सभाका संसद वामदेव गौतमले प्रधानमन्त्री केपी शर्मा ओलीको कार्यशैलीकै कारण नेकपा विभाजन भएको र आफू ओलीको कटु आलोचक भएको बताएका छन्।
बिहिबार राष्ट्रिय सभालाई सम्बोधन गर्दै सांसद गौतमले प्रधानमन्त्रीको कार्यशैलीले गर्दा नेकपमा विवाद उत्पन्न भएको आरोप लगाए। गौतमले आफूले समेत धेरैपटक सम्झाएको र सुझाव दिएता पनि ओलीले त्यसलाई बेवास्ता गर्दा अहिले यस्तो परिस्थिति उत्पन्न भएको जिकिर गरे।
“म प्रधानमन्त्रीको कटु आलोचक हुँ। उहाँकै कार्यशैलीको कारण अहिले पार्टीमा विवाद उत्पन्न भएको हो।” गौतमले भने,”मैले उहाँलाई आफ्नो शिली सुधार गर्नु भनेर धेरै पटक सुझाव दिएँ। कति ग्रहण गर्नु भो, कति भएन।”
प्रधानमन्त्री ओलीले अहिलेपनि आफूसँग मित्रवत नै व्यवहार गर्ने भन्दै प्रतिनिधिसभा विघटन गर्दा आफूलाई पत्तो नै नदिएको उनको भनाइ छ।
सर्वोच्च अदालतले प्रतिनिधिसभा फर्काउँछः डा रिजाल
नेपाली कांग्रेसका नेता डा मीनेन्द्र रिजालले सर्वोच्च अदालतले प्रतिनिधिसभा फर्काउने विश्वास व्यक्त गरेका छन् । आज पत्रकारसँग कुरा गर्दै डा रिजालले संविधानमा बहुमतको सरकार हुन सक्ने अवस्था रहँदा सम्म प्रतिनिधिसभा विघटन गर्न पाइँदैन भन्ने स्पष्ट लेखिएको उल्लेख गरे ।
उन भने, “सर्वोच्च अदालतले त्यसभन्दा बाहिर गएर निर्णय गर्न सक्दैन भन्ने कुरामा हामी ढुक्क छौँ । मुलुक अहिले निर्वाचनको बाटोमा जाँदैन ।” संविधानलाई लयमा ल्याएपछि प्रतिनिधिसभा स्थापना गरी अघि बढ्नुपर्ने उनको भनाइ थियो । फरक प्रसङ्गमा पार्टी केन्द्रीय सदस्य डा रिजालले आगामी फागुनमा कांग्रेसको महाधिवेशन सम्भव नरहेको बताउनुभयो । संविधानले दिएको अधिकार प्रयोग गरी त्यसपछिको ६ महिनामा पार्टीको महाधिवेशन गरिने उनको जिकिर थियो ।
