कोरोना भाइरस विरुद्धको आफूले तयार गरेको खोपले २ वर्ष सुरक्षा दिने अमेरिकी खोप निर्माता कम्पनी मोडेर्नाले दाबी गरेको छ। यसअघि, गत वर्ष भने मोडेर्नाले कोरोनाविरुद्धको खोपले केही सातासम्म मात्र सुरक्षा दिन सक्ने बताएको थियो।
मोडेर्नाका प्रमुख कार्यकारी अधिकृतले बिहीबार यस विषयमा अझै पनि धेरै अध्ययन गर्न बाँकी भएता पनि मोडेर्नाले तयार गरेको खोपले दुई वर्षसम्म सुरक्षा दिन सक्ने बताएका हुन्।
यसअघि कोरोनाविरुद्धको एन्टिबडी हाम्रो शरीरमा दुई महिनासम्म मात्र कायम रहन्छ भन्ने हल्ला भए पनि मानिस शरीरमा एन्टिबडी निकै सुस्त रूपमा कम हुने मोडेर्नाका सीईओ स्टेफेन बान्सेलले बताएका हुन्।
अहिले विश्वमा कोरोना भाइरसको नयाँ प्रकार देखिएको समयमा सीईओ बान्सेलले यो खोप नयाँ स्ट्रेनको कोरोना भाइरसको लागि पनि प्रभावकारी हुने जानकारी दिएका छन्।
