काठमाडौँ, पुष २४। ललितपुरको च्यासलबाट ३ जना युवती र एक युवक पक्राउ परेका छन् । उनिहरु च्यासलमा बस्ने ५७ वर्षकी धन कुमारी ठकुरीलाई लोभ देखाएर लुटपाट गरेको आरोपमा पक्राउ परेका हुन्।
गत पुष १३ गते ताप्लेजुङकी २८ वर्षीया निर्मला राई, उदयपुरका भरत मगर, ताप्लेजुङकै सुस्मिता डिम्डोङ र ललितपुर घर भएकी ३० वर्षीया लबिन लामा धन कुमारीको कोठामा गएर लोभ देखाएका थिए । धनकुमारीको कोठामा आएका चारै जना व्यक्ति अपरिचित थिए। त्यसपछि उनीहरुले धन कुमारीलाई लोभ देखाएर उनको साथमा भएको पहेँलो टल्किने पत्थर, दुई थान सिमाला र १४ थान पुराना सिक्का लुटेर भागेका थिए ।
प्रहरी टोलीले लुटपाटमा संलग्न ४ आरोपीहरुलाई च्यासलबाट पक्राउ गरेर थप अनुसन्धानका लागि महानगरीय प्रहरी परिसर-ललितपुर पठाएको छ।
