नेपाल कम्युनिष्ट पार्टी ओली पक्षको समूहले आज काठमाडौंका विभिन्न चार ठाउँमा शक्ति प्रदर्शन गर्दैछ। युवा संघ बागमती प्रदेश कमिटीको आयोजनामा ओली समूहको युवा संघले काठमाडौँका विभिन्न ठाउँमा र्याली निकाल्ने भएको हो।
पार्टी कार्यालय भक्तपुर सूर्यविनायकबाट भने मोटरसाइकल र्याली सुरु भइसकेको छ। उक्त र्याली काठमाडौँको कमलादीमा रहेको प्रज्ञा प्रतिष्ठानमा पुगेर सभामा हुने बताइएको छ। उक्त सभालाई पार्टी अध्यक्ष तथा प्रधानमन्त्री केपी शर्मा ओलीले सम्बोधन गर्ने कार्यक्रम रागेको छ।
