स्थानीय बजारमा आज सोमबार सुनको मूल्य प्रतितोला रु २ सय ले ओरालो लागेको छ । हप्ताको पहिलो दिन आइतबार शुक्रबारको तुलनामा ३ सय रुपैयाँले घटेको सुनको भाउ आज सोमबार पनि २ सय रुपैयाँको सामान्य गिरावट आएको हो।
आज छापावाला सुन प्रतितोला रु ९२ हजार ४ सय मा कारोवार भइरहेको छ । छापावाला सुन आइतबारभने प्रतितोला रु ९२ हजार ६ सयमा कारोवार भएको थियो ।
यस्तै तेजाबी सुन प्रतितोला रु ९१ हजार ९ सयमा कारोवार हुने गरी मूल्य निर्धारण भएको नेपाल सुनचाँदी व्यवसायी महासङ्घले जनाएको छ । प्रतितोला रु ९२ हजार १ सयमा आइतबार कारोबार भएको तेजाबी सुनसमेत तोलामा रु २ सयले घटेको हो ।
यस्तै चाँदीको मूल्य भने आज स्थिर रहेको छ। आइतबार एक हजार २ सय ६० रुपैयाँमा कारोबार भएको चाँदी आज पनि सोहि भाउमा कारोबार भइरहेको छ ।
