काठमाडौँ, माघ १२ । कुशल वाद्यवादक धनबहादुर गायक (गन्धर्व) को निधन भएको छ । उनको सोमबार बिहान ९ बजे पोखरास्थित मनिपाल अस्पतालमा निधन भएको हो। निकै लोकप्रिय गित ‘यो दाजुको मिर्मिरे आँखा’ का सर्जक गन्धर्वका यसबाहेक दर्जन गीत रहेका छन्। ५९ वर्षीय धनबहादुर गन्धर्वलाई शनिबार अस्पताल भर्ना गरिएको थियो।
पोखरा महानगरपालि-१६ बाटुलेचौर बस्ने धनबहादुर सुगर र उच्च रक्तचापको बिरामी थिए। गन्धर्वका गीतहरु कमै छन् तर जति छन् ति सबै लोकप्रिय छन्। रेडियो नेपाल पोखरामा पनि उनका केहि गीतहर रेकर्ड भएको थियो। लोकसंगीत समुह पोखराको संस्थापक अध्यक्ष समेत रहेका उनले स्व. कलाकार झलकमान गन्धर्वको नाममा ‘झलकमान गन्धर्व संगीत पाठशाला प्रतिष्ठान’ को समेत गठन गरेका थिए ।
पोखरा महानगरपालिको सरकारी जागिरबाट गत वर्ष मात्रै अवकाश लिएका उनले बिन्ध्यवासिनीमा संगीतको गुरु भएर प्रशिक्षण समेत दिएका छन् ।
