कुकुर्नीको ममतापूर्ण व्यवहार, पिलाईन् बिरालोको बच्चालाई दूध [भिडियो]

माघ १२, २०७७ DG

कुकुर-बिरालोको झगडा र दुश्मनीको बारेमा त तपाईले सधैँ सुनिरहनु भएको होला। आफ्नो गाउँ-ठाउँ र घरमा यिनको झगडा पनि देख्नुभएको होला। यसको बाबजूद यी दुई दुश्मन जनावर बीचको प्रेमपूर्ण सम्बन्धको एक यस्तो भिडियो भाइरल भईरहेको छ, जुन देखेर जोकोहीं पनि अचम्मित हुनेछन्। यस भिडियोमा देख्न सकिन्छ कि एक बिरालोको बच्चाले आफ्नै आमाको जसरी कुकुर्नीको दूध पिईरहेको छ।

यो भिडियो नाइजेरियाको कुनै गाउँको हो। भिडियोमा कुकुर्नी जमिनमा सुतिरहेकी छे। उसको गलामा कालो रङको पट्टी बाँधिएको छ। बिरालो बच्चा उसको दूध मज्जाले पिईरहेको छ। बिरालोको बच्चाले आफ्नो दूध पिउँदा पनि कुकुर्नीले कुनै आपत्ति जनाएकी छैन। उसले बिरालोलाई केही पनि गर्दिन्। यस्तो कुकुर्नीको ममतापूर्ण व्यवहार देखेर सबै अचम्मित भएका छन्।

यो भाइरल भिडियो समाचार एजेन्सी रोयटर्सले आफ्नो ट्वीटर ह्यान्डलमा शेयर गरेको छ। ३२ सेकेन्डको यस भिडियोमा केही मानिसहरुले कुकुर्नी र बिरालोलाई घेरेका छन्। केही तिनको भिडियो बनाईरहेका छन्। आसपासका मानिसहरु यस दृश्यलाई अचम्म मानेर हेरिरहेका छन्।

भिडियो शेयर हुनेबित्तिकै यो एकदमै तीव्र गतिमा भाइरल भएको छ। अहिलेसम्म विभिन्न सामाजिक सञ्जालमा यो भिडियो लाखौँ पटक हेरिएको छ र मानिसहरुले अनेक प्रश्नहरु सोधेका छन्, जस्तै : कुकुर्नीको बच्चा कहाँ छ ? कुकुर्नी मरणासन्न छ जस्तो छ किन यसको उद्दार कसैले नगरेका हुन्  ? बिरालोको बच्चाको आमा कहाँ छ ? आदि।

भिडियो :

प्रकाशित : सोमबार, माघ १२, २०७७१५:५३

यस्तो दर्दनाक तरिकाले जल्यो हात्ती [भिडियो सहित]