विश्वव्यापी महामारी कोरोना भाइरसको प्रभाव विश्व अर्थव्यवस्थामा परेको छ। यस्तो अवस्थामा धेरैले आफ्नो जागिर गुमाए। एउटी आइमाईलाई पनि त्यस्तै भयो, तर केहि बेरमै उनी करोडौंको मालिक बन्न पुगिन्। वास्तवमा, यस महिलाले चिठ्ठामा ६० मिलियन अमेरिकी डलर जितिन्। तर आश्चर्यको कुरा उनले चिठ्ठामा ६० मिलियन जित्नु थिएन, अचम्मको कुरा त उनका पतिले देखेको सपना थियो। आखिर उनका पतिले त्यस्तो के सपना देखे जसले उक्त महिलाको भाग्य चम्कियो ?
वास्तवमा, क्यानाडाको टोरोन्टोमा बस्ने ५७ वर्षीया डेंग प्रभटुडम भन्छिन् कि उनका पतिले २० बर्ष अघि सपना देखेका थिए। यो सपनामा नै उनलाई चिठ्ठाको टिकट किन्न केहि नम्बरहरूको बारेमा थाहा भयो। यी विशेष संख्याले नै उक्त महिलालाई ६० मिलियन डलरको चिट्ठा जित्न मद्दत गर्यो।
डेंग प्रभटुडमले विगत २० वर्षदेखि चिठ्ठाको टिकट किन्दै आएकी थिइन्। प्रत्येक पटक उनी आफ्ना पतिले सपना देखेको नम्बरको टिकट किन्थिन्। अन्ततः दुई दशक लामो प्रतिक्षा पछि महिलाको भाग्य चम्कियो। क्यानाडाको ओन्टारियो लटरी एण्ड गेमिंगले डेंगले ६० मिलियन डलर जितेको पुष्टि गरेको छ।
भर्चुअल उत्सव कार्यक्रम मार्फत डेंगलाई चिठ्ठामा जितेको रकमको लागि चेक हस्तान्तरण गरियो। डेंगले उक्त पैसाले घर किन्ने र वर्ल्ड टुर गर्ने योजना रहेको बताइन्।
