काठमाडौँ – आइतबार सुनको मूल्यमा सामान्य वृद्धि भएको छ । शुक्रबार स्थिर रहेको सुनको मुल्य आज तोलामा १ सय रुपैयाले बढेको हो।नेपाल सुन चाँदी व्यवसायी महासंघका अनुसार तोलामा १ सय रुपैयाले बढेसँगै छापावाला सुनको मूल्य ९२ हजार १ सय रुपैयामा कायम भएको छ। यस अगाडी छापावाला सुनको मूल्य शुक्रबार ९२ हजार रहेको थियो।
यस्तै आइतबार तेजाबी सुनको मूल्य पनि १ सयले नै बढेको छ। जससँगै तेजाबी सुनको मूल्य आइतबार ९१ हजार ६ सय रुपैयामा कायम भएको छ। यस अगाडी तेजाबी सुनको मूल्य ९१ हजार रहेको थियो।
चाँदीको मूल्य
आइतबार चाँदीको मूल्य पनि बढेको छ। आइतबार चाँदीको मूल्य तोलामा ३५ रुपैंयाले बढेर १ हजार ३ सय २० रुपैयामा कायम भएको नेपाल सुन चाँदी व्यवसायी महासंघले जनाएको छ।
