काठमाडौँ, माघ २६। अभिनेत्री साम्राज्ञी राज्यलक्ष्मी शाह र अभिनेता पुष्प खड्काको अभिनय रहने चलचित्र ‘तिम्रो मेरो साथ’ को छायाँकन सेटमा लफडा भएको छ । खबरअनुसार निर्देशक रमेश एम के पौडेल र नृत्य निर्देशक रामजी लामिछाने बीच झगडा भएको हो । चलचित्र ‘तिम्रो मेरो साथ’ मा समावेश एक आइटम गीतको लागि निर्माता समेत रहेका रमेश एम के पौडेलले ५ लाख बजेट छुट्टाएका थिए तर कोरियोग्राफर रामजी लामिछानेले उक्त बजेटको ५ गुणा बढी खर्च गराएको खबर बाहिरिएको छ।
गीतको छायाँकनको बिषयमा उठेको विवाद हात हा-लाहा-ल सम्म पुगेको स्रोतको दाबी छ । साथै निर्देशक पौडेलले उनलाई नृत्य निर्देशकबाट निकाल्ने सम्मको सोच बनाएका थिए । तर छायांकन आधा आइसकेकाले निकाल्ने सम्भावना न्युन रहेको बताइन्छ। साथै अहिले विवाद पनि मिलिसकेको छ । यो घटना सोमबारको हो।
आर्यन फिल्मस् तथा वोधी एच डी अमेरिकाको ब्यानरमा निर्माण भैरहेको यस चलचित्रमा नायिका साम्राज्ञी राज्यलक्ष्मी शाह, अभिनेता पुष्प खड्का, हास्यकलाकार सन्दिप क्षेत्रीको मुख्य भूमिका रहनेछ।
