नेपाली सुन चाँदी बजारमा आज सुनको भाउमा सामान्य वृद्धि भएको छ। आइतबारको तुलनामा सोमबार १ सय रुपैयाँले घटेको सुनको मूल्य आज भने २ सय रुपैयाँले वृद्धि भएको हो।
नेपाल सुनचाँदी व्यवसायी महासंघका अनुसार मंगलबार छापावाला सुन प्रतितोला ९० हजार ९ सय रुपैयाँमा कारोबार भइरहेको छ। सोमबार भने प्रतितोला ९० हजार ७ सयमा किनबेच भएको थियो।
आज तेजाबी सुनको मूल्य पनि २ सय रुपैयाँले बढेको छ। सोमबार प्रतितोला ९० हजार २ सय रुपैयाँमा कारोबार भएको तेजाबी सुन आज भने ९० हजार ४ सय रुपैयाँमा कारोबार भइरहेको छ।
यस्तै मंगलबार चाँदीको मूल्यमा पनि वृद्धि भएको छ। सोमबार प्रतितोला १ हजार ३ सय ४० रुपैयाँमा कारोबार भएको चाँदी मंगलबार तोलामा २० रुपैंयाले बढेर १ हजार ३ सय ६० कायम भएको छ।
