एजेन्सी : साउथमा थुप्रै यस्ता अभिनेत्रीहरु जसको गन्ती चर्चित तथा लोकप्रिय अभिनेत्रीहरुमा हुन्छ। साउथका यी अभिनेत्रीहरु फिल्ममा अभिनय गरेबापत मोटो रकममा पारिश्रमिक लिन्छन्। केही अभिनेत्रीहरु यस्ता पनि छन् जसले एउटा फिल्मको करौडौं रुपैयाँसम्म लिन्छन्। साउथ इन्डस्ट्रीका यी सुन्दर अभिनेत्रीहरुले आफ्नो अभिनयले लाखौँको दिलमा राज गरेका छन् र फिल्म इन्डस्ट्री तिरको उनीहरुका जोशजाँगर अझैं कायमै छ। यी साउथ अभिनेत्रीहरुका बारेमा तपाईलाई हामी बताउँछौँ, जो कमाईको मामिलामा निकै अगाडी छन्। यो सूचीमा काजल अग्रवाल, प्रियामणि, तमन्ना भाटिया, कीर्ति सुरेशसहित अन्य अभिनेत्रीहरु पनि समावेश छन्।
अनुष्का शेट्टी
अनुष्का शेट्टी साउथ सिनेमाको प्रसिद्ध नाम हो। उनको सामाजिक सञ्जालमा पनि राम्रो फ्यानफलोइङ छ। अनुष्का थुप्रै सुपरहिट फिल्महरुमा अभिनय गरिसकेकी छिन्। रिपोर्ट अनुसार एउटा फिल्मको अढाई करोड भारतीय रुपैयाँसम्म लिन्थिन्। तर ‘बाहुबली’ को सफलतापछि उनले आफ्नो पारिश्रमिक बढाएकी छिन्। उनी अहिले एक फिल्मको लगभग ५ करोड रुपैयाँसम्म लिन्छिन्। बाहुबली फिल्मपछि उनको बजार माग पनि ह्वात्तै बढेको थियो।
तमन्ना भाटिया
तमन्ना भाटिया बलिउड फिल्ममा पनि देखा परिसकेकी छिन्। तर साउथ इन्डस्ट्रीमा उनको छुट्टै क्रेज छ। साउथमा तमन्नाले एक से एक हिट फिल्महरु दिएकी छिन्। फिल्म ‘बाहुबली’ मा तमन्नाको अभिनयलाई खुबै मन पराईएको थियो। तमन्ना एउटा फिल्मको लागि करिब ९० लाख देखि १ करोड भारतीय रुपैयाँसम्म लिन्छिन्। तमन्ना फिल्म बाहेक सामाजिक सञ्जालमा पनि निकै सक्रिय रहन्छिन्।
काजल अग्रवाल
आफ्नो सुन्दरताले मानिसहरुलाई लोभ्याउने अभिनेत्री काजल अग्रवाल चर्चित अभिनेत्री मध्ये एक हुन्। काजल बलिउडको साथ-साथै टलिउडमा पनि देखिएकी छिन। बलिउड फिल्ममा आफ्नो अभिनयले फ्यानका दिल जित्न सफल अभिनेत्री काजलले साउथ सिनेमामा पनि एक से एक हिट फिल्महरु दिएकी छिन्। रिपोर्ट्स अनुसार काजल कुनै पनि फिल्ममा काम गर्नको लागि करिब २ करोड रुपैयाँसम्म पारिश्रमिक लिन्छिन्। उनका साउथका फिल्म दर्शकले असाध्यै मन पराउने गरेका छन्।
प्रियामणि
प्रियामणि साउथ इन्डस्ट्रीको प्रसिद्ध अभिनेत्रीहरु मध्ये एक हुन्। उनको अभिनय कौशलता र सुन्दरताले सबैलाई लोभ्याउने गर्दछ। उनले तमिल, तेलुगु, कन्नड बाहेक हिन्दी फिल्महरुमा पनि काम गरेकी छिन्। रिपोर्ट्स अनुसार प्रियामणिले एउटा फिल्मको करिब २ देखि ३ करोड रुपैयाँसम्म पारिश्रमिक लिन्छिन्। प्रियामणिका फ्यान्स उनको अभिनयलाई असाध्यै मन पराउँछन्। सामाजिक सञ्जालमा पनि अभिनेत्रीको राम्रो फ्यान फलोइङ छ।
कीर्ति सुरेश
फिल्ममा उत्कृष्ट अभिनय र सुन्दरताले मानिसका दिल जित्ने कीर्ति सुरेश साउथ इन्डस्ट्रीको एक चर्चित नाम हो। कीर्ति सुरेशको सामाजिक सञ्जालमा पनि राम्रो फ्यान फलोइङ छ। हरेक फिल्मको उनको भूमिकालाई दर्शकले अत्यन्तै मन पराउने गर्छन्। मिडिया रिपोर्ट्स अनुसार कीर्ति एक फिल्मको लागि करिब २ करोड भारतीय रुपैयाँसम्म लिन्छिन्।
