एजेन्सी : कुनै पनि व्यक्तिले सफलताको उचाई चुमेपनि तिनको खुट्टा भने सधैँ जमिनमै हुनुपर्छ। प्राय: मानिसहरु सफल भएपछि आफ्नो धरातल बिर्सन्छन्। उनीहरुले आफू कुन अवस्थाबाट गुज्रिएको भन्ने कुरा नै भूल्छन्। यो कुरा बिल्कुलै सत्य हो कि मानिसले आफ्नो खराब दिन कहिले पनि भूल्नुहुँदैन। मानिसले आफ्ना कठिन दिनहरु स्मरण गरेमा उसले आफू सफल हुन् कस्तो हालतबाट गुज्रिनु परेको थियो भन्ने कुराको सधैँ याद भईरहन्छ। र जमिनसँग जोडिरहनेछन् र अरुलाई गलत व्यवहार गर्नेछैनन्।
प्रसिद्धिको नशा सबैभन्दा खराब र घातक नशा हो। यसले राम्रो राम्रो मान्छेको पनि दिमाग खराब गरिदिन्छ। वास्तवमा सफल व्यक्ति ती हुन् जो सफल भएर पनि जमिनसँग जोडिएका हुन्छन् र सम्पूर्णलाई उत्तिकै इज्जत गर्छन्। सफल व्यक्तिले सम्बन्धलाई महत्व दिन्छ र तिनको दिमागमा प्रसिद्धिको नशा चढेको हुन्न। आजको यस पोस्टमा हामी तपाईलाई बलिउड फिल्म इन्डस्ट्रीका केही यस्ता कलाकारबारे बताउँदै छौँ जो ख्याति कमाएर र सफल भएर पनि बिल्कुलै घमण्डी छैनन्।
जोन अब्राहम
फिल्म ‘जिस्म’ बाट आफ्नो करियरको सुरुवात गरेको जोन अब्राहम अहिले बलिउडको एक चर्चित र सफल अभिनेताको रुपमा स्थापित भईसकेका छन्। जोन बलिउडमा कदम राख्नु अघि चर्चित मोडेलको रुपमा चिनिन्थे। जोनको सन् २०१९ मा रिलिज भएको फिल्म ‘बटला हाउस’ ले बक्स अफिसमा राम्रो कमाई गरेको थियो। मस्कुलर देखिने जोन अत्यन्तै शान्त स्वभावका छन्। अहिले उनीसँग पैसाको कुनै कमी छैन, तैपनि उनी एकदम सादा जीवन व्यतीत गर्छन्। जोन फाल्तुमा पैसा उडाउन मन पराउँदैनन्। उनी जुनसुकै सानोतिनो काम पनि नलजाई-नधकाई गर्छन्। केही दिन अघि जोनको अफिसको ढोका सफा गर्दै गरेको तस्बिर इन्टरनेटमा भाइरल भएको थियो। जोन अत्यन्तै साधारण रहन मन पराउँछन्। पछिल्लो समय उनी आफ्नो फिटनेस प्रति जागरुक देखिएका छन्।
शाहरुख खान
शाहरुख खानलाई बलिउडको बादशाह(किङ् खान) मानिन्छ। उनलाई किङ् खान भन्नुको पछाडीको कारण एक हैन अनेक छन्। शाहरुख एक यस्तो नाम जसलाई परिचयको जरुरत पर्दैन। संसारभरका मानिस उनलाई बलिउडको बादशाह यानी किङ खान भनेर चिन्छन्। यतिका वर्षमा उनले यो कुरा साबित पनि गरे कि उनी बलिउडको वास्तविक बादशाह हुन् र उनको ठाउँ अरु कसैले लिन सक्दैन्। शाहरुख खान एकमात्र यस्तो कलाकार हुन् जसले हरेक खाले फिल्ममा काम गरेका छन्। यत्रो नाम कमाए पनि शाहरुखमा अलिकति पनि घमण्ड पलाएको छैन। शाहरुख अहिले पनि सबैलाई आफ्नो विनम्र व्यवहार देखाउँछन् र फ्यान्सलाई भेट्ने समयमा बिल्कुलै डाउन टु अर्थ बन्छन्। एक अन्तर्वार्तामा शाहरुखले आफ्नी पत्नीको बेडरुममा पनि ढोका ढकढकाएर जाने गरेको कुरा खुलाएका थिए। उनको अनुसार सबैको आफ्नै प्राइभेसी हुन्छ। यति मात्र हैन शाहरुख च्यारिटी संस्थानहरुमा पनि आबद्द छन्।
नाना पाटेकर
वास्तवमा संसारभर धनी मानिसहरुको कुनै कमी छैन तर जब गरिबको सहायता गर्ने कुरा उठ्छ सारा धनी मान्छेहरु पछाडी पर्छन्। बलिउड अभिनेता नाना पाटेकर दिल खोलेर गरिबको मद्दत गर्छन्। नाना पाटेकरको नाम बलिउड इन्डस्ट्रीको सबैभन्दा चर्चित तथा सफल अभिनेताको सूचीमा आउँछ। पर्दामा तपाईले धेरैपटक गरिबको हकहीतको लागि लडेको पक्कै देख्नुभएको होला। वास्तविक जीवनमा पनि नाना पाटेकर गरिब, दीनदुखीको मद्दत गर्न सधैँ तयार रहन्छन्। नानालाई समाज सेवा गर्न अत्यन्तै राम्रो लाग्छ। तपाई शायद यो कुरा सुनेर तीन छक्क पर्नुहोला, उनले आफ्नो सम्पूर्ण सम्पत्ति महाराष्ट्रको किसानलाई दान दिएका छन्।
