काठमाडौँ – गायिका सुमित्रा कोइरालाले नयाँ गीत सार्वजनिक गरेकी छन्। गायिका कोइरालाले ‘झुम्के बुलाकी’ बोलको गीत युट्युब मार्फत सार्वजनिक गरेकी हुन्।
कोइरालाकै शब्द र संगीत रहेको उक्त गीतमा गायक आतिफ खानले साथ दिएका छन्। गीतमा सङ्गीत समायोजन कृष्ण बिके ‘भान्जा’ले गरेका हुन्।
त्यस्तै गीतको म्युजिक भिडियोमा चर्चित मोडेल अन्जली अधिकारी देखिएकी छन् भने उनलाई सुधिर श्रेष्ठले साथ दिएका छन्। भिडियोमा निर्देशन तथा कोरियोग्राफी काजिस श्रेष्ठको छ।
केहि दिन अगाडी मात्रै सार्वजनिक भएको उक्त गीतलाई दर्शकहरुले रुचाएका छन्। अहिले सम्म उक्त गीत युट्युबमा १ लाख २३ हजार भन्दा बढीले हेरिसकेका छन्। गीत बारे प्रतिक्रिया जनाउने अधिकांशले गीत र भिडियो दुवै राम्रो लागेको प्रतिक्रिया दिरहेका छन्।
