बलिउडको बेबो तथा पटौदी परिवारकी बुहारी करीना कपूर खान एकपटक फेरि टशनमा देखा परिन्। उनी दोस्रो बच्चाकी आमा बनेपछि पहिलो पटक काममा फर्किइन्। २१ फेब्रुअरीको दिन करीनाले दोस्रो छोरालाई जन्म दिएकी थिइन्, जस पछि उनी घरमा आराम गरिरहेकी थिइन्। यद्यपि, करीना डेलिभरी हुनु अघि धेरै सक्रिय थिइन् र उनले अन्तिम दिनमा पनि कामबाट विश्राम लिएकी थिइनन्। उनी प्राय: आफ्नो शुटको फोटो सोशल मिडिया मार्फत साझा गर्ने गर्थिन्।
अब जब बेबो एकपटक फेरि काममा फर्किरहेकी छिन्, उनी जताततै चर्चामा छिन् र प्यापराज्जीको क्यामेरा उनीतर्फ फर्किएका छन्। हालै मात्र करीनालाई शुटबाट निस्किदै गरेको देखिएको छ। यस समयमा उनको ताजा लुक र स्टाइल हेर्न लायकको थियो। करीनाका यी चित्रहरूले सबैको ध्यानाकर्षण गरेको छ। बेबोको यो ग्रीष्मकालीन लुक मानिसहरूले खुब मन पराइरहेका छन् र प्रशंसा गरिरहेका छन्।
करीनाका एक फ्यानले लेखे,”क्वीन्स रिटर्न इन एक्शन।” यस्तै अन्य थुप्रै प्रशंसकले करीनको खुब तारिफ गरिरहेका छन्। धेरैले बेबोको तारिफ गर्दै गर्दा केहि मानिसहरुले उनको आलोचना पनि गरिरहेका छन्।
केहि मानिसहरु करीनाले छिटै कम-ब्याक गरेको विषयमा आलोचना गर्न थालेका छन्। कसैले उनी अमूल्य समय मायाले बाँच्न नचाहने भन्दै आलोचना गरेका छन् भने कसैले उनलाई पैसाको लागि जे पनि गर्न सक्ने समेत भनेका छन्। सामाजिक सञ्जालमा यस प्रकारका टिप्पणीहरू पनि देखियो।
