एक महिना नबित्दै फेरी बढ्यो बजाजका मोटरसाइकलहरुको मूल्य !

काठमाडौँ – नेपाली बजारमा बजाजका मोटरसाइकलहरुको मूल्य वृद्धि भएको छ। नेपालका लागि बजाज बाइकको आधिकारिक वितरक हंसराज हुलासचन्द एण्ड कम्पनीले बजाजका मोटरसाइकलहरुको मूल्य परिमार्जन गरी नयाँ मूल्य सूची सार्वजनिक गरेको हो । पछिल्लो पटक केहि समय अगाडी मात्रै बजाजका मोटरसाइकलहरुको मूल्य वृद्धि भएको थियो।

चैत ८ गते देखि लागू हुनेगरी मोटरसाइकलहरुको मूल्य वृद्धि गरिएको हंसराज हुलासचन्द एण्ड कम्पनी जनाएको छ। कम्पनीका अनुसार विभिन्न मोडलका बाइकमा एक हजार रुपैयाँदेखि ५ हजारसम्मले मूल्य वृद्धि भएको छ।

सार्वजनिक मूल्य सूचीका अनुसार सबै भन्दा बढी मूल्य बजाज डोमिनारको बढेको छ । डोमिनारको मूल्य ५ हजार बढेको छ। नयाँ मूल्य अनुसार नेपालमा डोमिनारको मूल्य अब ५ लाख ७४ हजार ९ सय रुपैयाँ भएको छ।

कुन बाइकको मूल्य कति ?

नयाँ मूल्य सूचीका अनुसार बजाजको सबै भन्दा सस्तो मोटरसाइकल प्लाटिना १०० इएसको १ लाख ८२ हजार ९ सय र डिस्कभर १२५ ड्रमको मूल्य २ लाख ९ सय पर्ने भएको छ।

डिस्कभर १२५ डिस्क र डिस्कभर १२५ एसटीको भने मूल्यमा कुनै हेरफेर भएको छैन। डिस्कभर १२५ डिस्कको २ लाख ६ हजार ९ सय र डिस्कभर १२५ एसटीको २ लाख १७ हजार ९ सय यथावत छ।

त्यस्तै पल्सर १२५ डिस्क, पल्सर१५० एसडी र पल्सर १५० टिडीको मूल्य पनि कुनै परिवर्तन छैन। यस अगाडी नेपालमा पल्सर १२५ डिस्कलाई २ लाख ३४ हजार ९ सय, पल्सर १५०लाई २ लाख ६३ हजार ९ सय, पल्सर १५० टिडीलाई २ लाख ८० हजार ९ सय थियो र अब पनि सोहि मूल्य पर्नेछ।

पल्सर १६० एनएस टिडी एबिएसको मूल्य भने १ हजारले बढेको छ। अब पल्सर १६० एनएस टिडी एबिएसलाई ३ लाख २ हजार ९ सय पर्नेछ। मूल्यमा कुनै हेरफेर नभएको पल्सर २२० एफ एबिएसको ३ लाख ४७ हजार ९ सय र पल्सर २०० एनएस एबिएसलाई ३ लाख ४९ हजार ९ सय रहेको छ।

पल्सर २०० एनएस एफआई एबिएसक र एभेन्जर १६० स्ट्रिट एबिएसको मूल्य भने २ हजारले बढेको छ। अब नेपाली बजारमा पल्सर २०० एनएस एफआई एबिएसलाई ३ लाख ७२ हजार ९ सय र एभेन्जर १६० स्ट्रिट एबिएसलाई ३ लाख ३१ हजार ९ सय पर्नेछ।

एभेन्जर २२० क्रुज र डोमिनार २५० एबिएसको मूल्यमा कुनै परिवर्तन छैन। नेपाली बजारमा एभेन्जर २२० क्रुजलाई ३ लाख ५४ हजार ९ सय र डोमिनार २५० एबिएसलाई ४ लाख ९४ हजार ९ सय पर्छ।

हेर्नुहोस् पूरा सूची