भूमध्यसागर र रेड सीलाई जोड्ने इजिप्टको स्वेज नहरमा मालवाहक पानिजहाज बालुवामा फसेपछि जहाजको आवतजावत ठप्प भएको छ । गत मंगलबारदेखि फसेको जहाज अझै निकाल्न सकिएको छैन ।
कायरो २४ न्यूजको अनुसार ४०० मिटर लामो र ५९ मिटर ठूलो यो जहाजलाई निकाल्न थुप्रै दिन लाग्न सक्छ। फसेको जहाज तान्नका लागि आठ नाउबाहेक बालुवा निकाल्ने मेसिन पनि काममा जुटेको छ । साथै नेदरल्यान्ड र जापानका विज्ञहरू पनि ल्याइएको छ। त्यस्तै अहिले यहाँको एक तस्विर सामाजिक संजालमा ट्रोल बनेको छ। जसमा बडेमानको जहाज निकाल्नको लागि एउटा सानो डोजरले काम गरिरहेको देख्न सकिन्छ।
