डिभोर्सको ४ वर्षपछि अरबाजले मलाइकालाई दिए यस्तो उपहार, दंग परिन् !

अभिनेत्री मलाइका अरोडा सामाजिक सञ्जालमा निकै सक्रिय रहन्छिन्। उनका थुप्रै फोटो तथा भिडियो लगातार ट्रेन्डमा आउँछन्। एकपटक फेरि पनि मलाइकाले केही खास शेयर गरेकी छिन्।

मलाइका स्वयमले सामाजिक सञ्जालमा बताएअनुसार उनका पूर्वपति अरबाज खानले उनलाई एक खास उपहार दिएका छन्। अरबाजले कुनै महँगो गरगहना या महँगो उपहार हैन, स्वादिष्ट आँपको एक डिब्बा उपहार दिएका हुन्।

अभिनेत्री आफैँले इन्स्टामा स्टोरी हाल्दै एक भिडियो शेयर गरी आँपको डिब्बा देखाएकी छिन्। त्यो भिडियो शेयर गर्दै मलाइकाले लेखेकी छिन् – ‘यी आँपको लागि धन्यवाद अरबाज, जसलाई तपाईले अनलाइन अर्डर गर्नसक्नुहुन्छ।’

अरबाज र मलाइकाले सन् २०१८ मा सम्बन्ध-विच्छेद गरेका थिए। यी दुईको सम्बन्ध टुट्नुको खास कारण अहिलेसम्म सार्वजनिक भएको छैन, तैपनि दुवैजना एक-अर्कासँग खुशी नभएको अपवाह फैलिएको थियो।

डिभोर्स पछि मलाइका अभिनेता अर्जून कपूरसँग नजिकिईन् र अरबाजले पनि जर्जिया एन्ड्रियनी(Giorgia Andriani) को साथ पाए।

अरबाज र जर्जियाको जोडी त खासै चर्चामा आउँदैन तर मलाइका र अर्जुनको जोडी लगातार चर्चाको केन्द्रमा हुन्छन्। यी दुई जोडी छिट्टै वैवाहिक बन्धनमा बाँधिने हल्ला चलिरहेको छ।