एजेन्सी : महेश बाबुको साउथ इन्डस्ट्रीमा गहिरो पकड र दबदबा छ। उनको मौलिक युनिक स्टाइलको लाखौँ दीवाना छन्। उनले टलिउडमा एक से एक ब्लकबस्टर फिल्म दिएका छन्। महेश बाबु अभिनयको कारण मात्र नभई नृत्य कौशलताको लागि पनि चिनिन्छन्।
महेश बाबुसँग टलिउडमा मात्र नभई पूरा साउथ फिल्म इन्डस्ट्रीमा तहल्का मच्चाउन सक्ने तागत छ। हालै महेश बाबुले एक नयाँ रेकर्ड कायम गरेका छन्। उनी सामाजिक सञ्जालमा सबैभन्दा बढी फलो गरिएको अभिनेता बनेका छन्। उनको आधिकारिक फेसबुक पेजमा १४ मिलियन भन्दा बढी फलोअर्स रहेका छन्।
पछिल्लो समय उनको लोकप्रियता दिनानुदिन बढ्दै गईरहेको छ। साउथ फिल्म इन्डस्ट्रीका कलाकारको फेसबुकमा १४ मिलियन फलोअर्स हुनु एक ठुलो उपलब्धी हो। महेशको फेसबुक बाहेक इन्स्टाग्राममा ६.५ मिलियन फलोअर्स छन्।
दक्षिण भारतसहित उत्तर भारतमा पनि महेश बाबुको फ्यान बेस लगातार बढिरहेको छ। महेशले अहिलेसम्म पेन इन्डियाका कुनै पनि फिल्ममा अभिनय गरेका छैनन्। तर उनका अधिकांस फिल्म दोस्रो भाषामा डब गरिन्छ। यहीँ कारण देश-विदेशका मानिसले उनलाई मन पराउने गर्छन्।
सुपरस्टार बनिसकेका महेश बाबुले आफ्नो फिल्मी करियरको सुरुवात युवा आर्टिस्टको रुपमा गरेका थिए। महेश बाबुको सन् २००३ मा आएको पहिलो फिल्म ‘ओक्काडू’ त्यतिबेलाको तेलुगु ब्लकबस्टर फिल्मको रुपमा चर्चित बनेको थियो। यो फिल्ममा महेशले एक युवा कबड्डी खेलाडीको भूमिका निभाएका थिए।
महेश बाबुले ओक्काडू सहित दूकुडु(Dookudu), महर्षि(Maharshi), नेनोक्कडिने(Nenokkadine), भरथ एने नेनु(Bharath Ane Nenu), पोकिरी(Pokiri), श्रीमन्थुडू(Srimanthudu), सीथम्मा वकितलो सरिमल्ले चेट्टू(Seethamma Vakitlo Sirimalle Chettu), मुरारी(Murari), खलेजा(Khaleja) जस्ता शानदार फिल्महरुमा काम गरेका छन्।
महेश बाबुले अब आउँदो दिनहरुमा पनि शानदार फिल्म दिँदै छन्। उनको हातमा अहिले तीन फिल्म छन्। महेश बाबु अहिले सर्कारू वारी पाटा(Sarkaru Vaari Paata) को शूटिङमा व्यस्त छन्। यो फिल्ममा अभिनेत्री कीर्ति सुरेश पनि देखिनेछिन्।
उनीसँग अर्को फिल्म २६/११ ह-,म-,लाको हिरो रहेका सन्दीप उन्निकृष्णको जिन्दगीमा आधारित एक बायोपिक पनि छ। यो फिल्म आउँदो यहीँ वर्ष २ जुलाईमा रिलिज हुन् सक्छ। यो फिल्मको टाइटल ‘मेजर’ हो। यो बाहेक उनी साउथको सुपरस्टार रामचरण र चिरञ्जीवी स्टारर फिल्म ‘आचार्य’ मा देखिँदैछन्।
