पछिल्लो समय सार्वजनिक भएका गीतहरु मध्ये सबैभन्दा चर्चामा रहेको गीतको “फूल बुट्टे सारी” । यो गीतले नेपालमा मात्र नभएर पूरा विश्वमा नै चर्चा बटुल्न सफल भएको छ। मुख्य गीत बाहेक यसका थुप्रै कभर भर्जन पनि रिलिज भए। कभर भर्जनले पनि निकै सफलता पाए। यस गीतको लेजेन्डरी भर्जनमा दिग्गज कलाकार मदनकृष्ण श्रेष्ठले स्वर दिएका थिए।
मदनकृष्णको स्वरमा रहेको यो गीतको कभरले पनि युट्युबमा ५० लाख भन्दा धेरै भ्युज प्राप्त गरिसकेको छ। यस्तै, यो गीतलाई युगान्डाकी गायिका दे क्वाप्टेन वियोनसे फमासीले पनि आफ्नो स्वरमा गईन्। उनको यो गीतले सबैतिर तहल्का नै मच्चायो।
वियोनसेको गीत सुनेपछि यस गीतका लेजेन्डरी भर्जनका गायक मदनकृष्ण श्रेष्ठले उनको खुब प्रशंसा गरेका थिए। उनले वियोनसेलाई भेट्ने इच्छा समेत व्यक्त गरेका थिए।
यस्तोमा, भर्खरै मात्र कलाकार मदनकृष्ण श्रेष्ठ र वियोनसे बीच भेटघाट भएको छ। दिग्गज कलाकार मदनकृष्णलाई भेट्ने क्रममा वियोनसे निकै भावुक हुँदै यो भेटलाई आआफ्नो जीवनको सबैभन्दा ठूलो सफलता रहेको बताइन्। उनले भनिन्, “मैले उहाँको स्वरमा फुलबुट्टे सारी सुन्ने बित्तिकै उहाँको फ्यान भएको थिएँ । आज उहाँसँग भेट भयो, यो मेरो जिन्दगीकै सबैभन्दा ठूलो सफलता हो । म मेरो खुसीको बयान गर्न सक्दिन।”
