सामाजिक संजालमा यतिबेला अमेरिकाका राष्ट्रपति जो बाइडनको भिडियो भाइरल भएको छ । भिडियोमा राष्ट्रपति जो बाइडन एयर फोर्स वान विमानको भर्याङ चढ्दै गर्दा झण्डै चिप्लिएका थिए। बुधवार उनि वाशिङटनबाट पेन्सिल्भेनियाको पिट्सबर्गमा २ खर्ब डलरको भौतिक संरचना योजना सार्वजनिक गर्नका लागि विमानमा चढेका थिए ।
सार्वजनिक भिडियोमा उनि खुड्किलोमा चिप्लिन लागेको देखिन्छन र माथि पुगेर हात हल्लाउछन्। उनि पानी परिरहेको बेला छाता ओढेर भर्याङ चढेको देखिन्छन् । केहि साताअघि पनि उनि एयर फोर्स वानमा चढ्दै गर्दा ३ पटक लडेका थिए ।
आफ्नो निर्वाचन अभियान नै पिट्सबर्गबाट सुरु गरेको कारण उनले भौतिक संरचना योजना पनि त्यही गएर सार्वजनिक गरेका हुन्। उनले पेन्सिल्भेनिया राज्य जितेका थिए र राष्ट्रपति पदमा विजयको ढोका समेत खोलेका थिए ।