काठमाण्डाै – पछिल्लो २४ घण्टामा नेपालभर ५३४ जना कोरोना भाइरसका नयाँ संक्रमित भेटिएका छन्।
यस दिन ३ हजार ५ सय ८८ जनाको पीसीआर परीक्षण र ६४ जनाको एन्टीजिन परिक्षण गर्दा पीसीआर मार्फत ४९० जना र एन्टीजिन मार्फत ४४ जना गरी कुल ५३४ जनामा सङ्क्रमण पुष्टि भएको हो। योसँगै नेपालमा कोरोना सङ्क्रमितको कुल सङ्ख्या २ लाख ८२ हजार ५४गेको स्वास्थ्य तथा जनसंख्या मन्त्रालयले जनाएको छ।
बिहिबार मुलुकभर १५७ जना सङ्क्रमणमुक्त भएका छन्। जससँगै कोरोना सङ्क्रमणबाट निको हुनेको सङ्ख्या २ लाख ७४ हजार ६०४ पुगेको छ। अहिले नेपालमा ४ हजार ३ सय ८४ जना सक्रिय सङ्क्रमित रहेको मन्त्रालयले जनाएको छ।
त्यस्तै, सरकारले कोरोना भाइरसकाे सङ्क्रमणका कारण ज्यान गुमाएका ५ जनाको विवरण थप गरेको छ । योसँगै देशभर अहिलेसम्म कोरोनाको कारण मृ-त्यु हुनेको सङ्ख्या ३ हजार ६६ पुगेको छ ।
पछिल्लो २४ घण्टामा कोरोना संक्रमण पुष्टि भएको सङ्ख्या मध्ये काठमाडौँ उपत्यकामा मात्र १९५ जना कोरोना संक्रमित थपिएका छन्। उपत्यकाका जिल्ला मध्ये सबैभन्दा बढी काठमाडौँमा १४५ जनामा कोरोनाको संक्रमण पुष्टि भएको छ भने ललितपुरमा ४३ र भक्तपुरमा ८ जना नयाँ संक्रमित थपिएका हुन्।
