काठमाडौँ – वरिष्ठ कलाकार मदन कृष्ण श्रेष्ठलाई कोरोना भाइरसको संक्रमण भएको छ। श्रेष्ठ सहित उनका परिवारमा रहेका पाँच जनाको कोरोना भाइरस संक्रमणको पुष्टि भएको हो।
श्रेष्ठले सामाजिक संजाल मार्फत श्रेष्ठ सहित उनका छोरा ,छोरी, बुहारी र नातिनीमा कोरोना भाइरस संक्रमणको पुष्टि भएको जानकारी गराएका हुन्। कोरोना भाइरस संक्रमण भएपश्चात श्वास फेर्न गार्हो भएको श्रेष्ठको भनाई छ।
श्रेष्ठले लापरवाही गर्न र कोरोना भाइरसलाई खेलाँची नगर्न सम्पूर्णमा आग्रह पनि गरेका छन्। श्रेष्ठले फेसबुकमा लेखेका छन्,”म लगायत मेरा छोरा ,छोरी, बुहारी र नातिनी पाँचै जनालाई कोरोना पोजेटिभ देखिएको छ!”
कोरोनाबाट बच्न सक्दो प्रयास गर्न आग्रह गर्दै श्रेष्ठले फेसबुकमा थप लेखेका छन्,”कोरोना संक्रमण भइसकेपछि सास्ती चाहिँ हुने रहेछ। त्यसैले यो भाइरसलाई खेलाँची नगर्नु होला ! जति सकिन्छ कोरोनाबाट सतर्क रहनु होला ! Birthday wish गर्नु हुने सबै लाई धेरै धेरै धन्यबाद !”
स्वर्गीय श्रीमती सम्बन्धि यस्तो भिडियो देख्दा जन्मदिनको दिन भावुक भए मदनकृष्ण श्रेष्ठ [भिडियो सहित]
