एजेन्सी – ग्रहचक्रमा ठूलो महत्व राख्ने शुक्र ग्रहले यहि मे २९ मा राशि परिवर्तन गर्देछ। त्यसदिनबाट शुक्र ग्रह मिथुन राशिमा हुनेछ। मिथुन राशिमा शुक्रले प्रवेश गरेसँगै सम्पूर्ण राशिको भाग्य परिवर्तन हुनेछ। शुक्रका कारण केहि राशिहरुले लाभ प्राप्त गर्नेछन् भने केहिले कष्ट पाउनेछन् ।
शुक्र राशि परिवर्तनले कुन राशिलाई कस्तो फल देला ?
मेष राशि
शुक्रको गोचर तेस्रो स्थानमा हुँदा मेष राशि हुनेहरुलाई लाभै-लाभ मिल्नेछ। कार्यक्षेत्रमा सोचेजस्तै सफलता मिल्नेछ। व्यवसायमा उन्नति-प्रगति होला। दाम्पत्य तथा पारिवारिक जीवन मधुर रहनेछ। यधपी धैर्यताको भने आवश्यकता पक्कै रहनेछ।
वृष राशि
शुक्रको गोचरले वृष राशि हुनेहरुलाई आर्थिक रुपमा व्यय गराउने देखिन्छ। व्यवसायको क्षेत्रमा कठिन भन्दा कठिन समस्यासँग सक्षात्कार हुने देखिन्छ। पारिवारिक तथा दाम्पत्य जीवन भने उत्साहप्रद रहनेछ। यात्राको अवसर पनि रहन सक्ला।
मिथुन राशि
शुक्रको गोचर पश्चात मिथुन राशि हुनेहरुको मान-सम्मान वृद्धि हुनेछ। सामाजिक रुपमा रहेका दायित्व सहजै पूरा गर्न सकिनेछ। व्यवसायमा मात्र नभई रोजगारको क्षेत्रमा पनि उल्लेख्य लाभ मिल्ने देखिन्छ। शिक्षाको क्षेत्रमा पनि सोचेजस्तै सफलता मिल्न सक्ला।
कर्कट राशि
कर्कट राशि हुनेहरुलाई शुक्रको गोचरले दुख दिने देखिन्छ। जीवनमा अनावश्यक दुखहरु देखा पर्नेछन्। बोलि तथा व्यवहारमा नियन्त्रण नहुँदा वादविवादमा फसिनेछ। आय भन्दा व्यय बढ्दा आर्थिक समस्या आइपर्न सक्छ। घर परिवारको स्वास्थ्यमा ध्यान दिनु होला।
सिंह राशि
शुक्र राशिको गोचरले सिंह राशिको जीवनमा उतार-चढाव गराउनेछ। दौडधुप बढ्दा स्वास्थ्यमा समस्या देखिन सक्ला। खान-पानमा विशेष ध्यान दिनुपर्नेछ। आर्थिक रुपमा भने समय मध्यम रहने देखिन्छ। खर्च नियन्त्रण गर्न सके आर्थिक समस्या टर्न सक्ला।
कन्या राशि
शुक्रको राशि परिवर्तनले कन्या राशि हुनेहरुको आर्थिक लक्ष मजबुत बनाउनेछ। अपेक्षा नगरिएका क्षेत्रबाट पनि आर्थिक लाभ मिल्नेछन्। धेरै समय देखि अड्किएका कार्य पनि सुचारु हुन सक्ने देखिन्छ। रोजगारीमा पदोन्नतीको योग रहन सक्ला।
तुला राशि
शुक्रको राशि परिवर्तनले तुला राशि हुनेहरुको जीवनमा सफलताका ढोकाहरु खोल्नेछ। धेरै समय देखिका योजनाहरु सफल हुनेछन्। नयाँ कार्यथालनीको अवसर जुर्नेछ। पैतृक सम्पत्तिलाई लिएर रहेका विवाद देखि छुटकारा पनि मिल्नेछ। स्वास्थ्यमा सुधार हुन सक्ला।
वृश्चिक राशि
शुक्रले राशि परिवर्तन गर्दा वृश्चिक राशि हुनेहरु सावधान रहनुपर्नेछ। बोलिमा मात्र नभई व्यवाहारमा पनि नियन्त्रण आवश्यक रहनेछ। सकेसम्म कम बोलेकै राम्रो होला। शत्रु सक्रिय रहने हुँदा सतर्कता आवश्यक रहनेछ। सके सम्म लेन-देन नगर्नु होला।
धनु राशि
शुक्रका कारण धनु राशि हुनेहरुको जीवनमा उत्साह थपिनेछ। परिवारमा रहेका मतभेद देखि छुटकारा मिल्नेछ। कार्यक्षेत्रका वाधा-अड्चन पनि क्रमिक रुपमा हरेर जानेछन्। प्रेम जीवन पनि सोचेजस्तै रहला। धेरै समय देखि भेट नभएका व्यक्तिसँग भेट हुन सक्ने देखिन्छ।
मकर राशि
शुक्रको राशि परिवर्तन मकर राशि हुनेहरुका लागि शुभ मान्न सकिँदैन। आनावाश्यक झमेलामा फस्न सकिने देखिन्छ। बोलिका कारण बन्न लागेका कार्य पनि रद्द हुन सक्ला। सकेसम्म प्रतिष्पर्धा देखि टाढा रहेकै उचित हुने देखिन्छ। स्वास्थ्यमा पनि समस्या देखिन सक्लान्।
कुम्भ राशि
शुक्रको राशि परिवर्तन कुम्भ राशि हुनेहरुको जीवनमा वरदान सावित हुनेछ। मान- सम्मान, पद-प्रतिष्ठा, धन-दौलत वृद्धि हुँदा मन आनन्दित रहनेछ। मित्रजन सँग-सँगै आफन्तजनको पनि साथ र सहयोग मिल्द शत्रुहरु सहजै पराजित हुनेछन्।
मीन राशि
शुक्रको राशि परिवर्तन आर्थिक रुपमा धेरै नै लाभप्रद रहनेछ। घर-जग्गा किन्नको लागि समय शुभ रहनेछ। मेहेनत अनुसार फल मिल्द जाँगर बढेर जानेछ। यधपी प्रेम जिवनमा भने अनावश्यक समस्याहरु खडा होलान्। झुठा आरोप पनि लाग्न सक्ला।
