काठमाडौँ – बिहिबार नेपाली बजारमा सुनको मूल्य बढेको छ। जेठ लागेदेखि लगातार बढिरहेको सुनको मूल्य आज पनि बढेको हो।
नेपाल सुन चाँदी व्यवसायी महासंघका अनुसार नेपाली बजारमा छापावाला सुनको मूल्य ७ सय रुपैंयाँले बढेको छ। जससँगै छापावाला सुनको मूल्य ९४ हजार २ सय कायम भएको छ।
नेपाली बजारमा आज तेजाबी सुनको मूल्य पनि तोलामा ७ सय रुपैंयाँले नै बढेको छ। आज तेजाबी सुन प्रतितोला ९३ हजार ७ सय रुपैंयाँमा कारोबार भइरहेको महासंघले जनाएको छ।
आज सुन पुस महिना यताकै महँगो
आज कायम भएको सुनको मूल्य पुस महिना यताकै महँगो रहेको छ। आज कायम भएको सुनको मूल्य पुस २४ गते अर्थात १ सय ३९ दिन यताकै महँगो रहेको नेपाल सुन चाँदी व्यवसायी महासंघले जनाएको छ। पुस २४ गते ९५ हजार ३ सयमा कारोबार भएयता आजको मूल्यमा सुन कुनै पनि कारोबार भएको थिएन।
चाँदीको मूल्य
सुनको मूल्य बढेपनि आज चाँदीको मूल्यमा भने कुनै घटबढ भएको छैन। नेपाल सुन चाँदी व्यवसायी महासंघका अनुसार चाँदीको मूल्य तोलामा रु १३ सय ५० रुपैंयाँ कायम भएको छ।
