एजेन्सी – सन् २०२१ को पहिलो सूर्य ग्रहण बिहिबार लाग्दैछ। नेपाली समय अनुसार ग्रहण बिहिबार दिउँसो १ बजेर ५७ मिनेटमा शुरु भएर ६ बजेर ५६ मिनेट सम्म लाग्नेछ।
उक्त ग्रहण मुख्यतः अमेरिका, यूरोप, एशिया, उत्तरी क्यानाडा, ग्रीनल्याण्ड र रूसमा देखिनेछ। नेपालबाट भने उक्त ग्रह देखिनेछैन। नेपालबाट नदेखिने हुँदा बिहिबार लाग्ने ग्रहणको नेपालमा सूतक लाग्नेछैन।
ग्रहण वृष राशि र मृगशिरा नक्षत्रमा लाग्ने ज्योतिषीहरु बताउँछन्। सूतककाल नलागेपनि केहि राशिहरुमा ग्रहणको अलि बढी नै प्रभाव हुने ज्योतिषीहरुको भनाई छ। बिहिबार लाग्ने सूर्य ग्रहणले सबै भन्दा बढी निम्न तीन राशिलाई नकारात्मक प्रभाव पार्नेछ।
मेष राशि
द्वितीय स्थानमा ग्रहण लाग्दा मेष राशि हुनेहरुको स्वास्थ्यमा प्रतिकुल असर पर्नेछ। आँखा सम्बन्धि समस्याले सताउन सक्ला। पाचन सम्बन्धि समस्या पनि रहन सक्ने देखिन्छ। परिवारमा तनावको माहोल रहनेछ। हतारमा गरिएका निर्णयले दुख दिनेछ। आर्थिक रुपमा पनि सूर्य ग्रहणले मेष राशि हुनेहरुलाई दुख दिन सक्ने देखिन्छ।
वृष राशि
सूर्य ग्रहण वृष राशिमा लाग्दा विभिन्न कठिन समस्या उत्पन्न हुनेछन्। चलिरहेका कार्य पनि बन्द हुनेछन्। आयका श्रोत सिमित हुँदा आर्थिक समस्याले सताउन सक्ला। व्यवसायमा अलि बढी नै उतार चढाव हुनेछन्। प्रेम जीवनमा असमझदारी रहला। आफ्नै भनिएकाहरुबाट धोका मिल्न सक्ने हुँदा सतर्क रहनु होला।
मिथुन राशि
सूर्य ग्रहणका कारण मिथुन राशि हुनेहरुको जागिरे जीवनमा अलि बढी नै नकारात्मक असर रहने देखिन्छ। अत्यधिक भागदौड र आर्थिक समस्याको सामना हुनेछ। कानुनी रुपमा पनि समस्या आइलाग्न सक्ला। सरकारी पक्षबाट अवरोध हुने सम्भावना देखिन्छ। उच्च अधिकारीहरुसंगको सम्बन्ध बिग्रिँदा समस्या बढ्नेछ। स्वास्थ्यको पनि ख्याल राख्नु होला।
