एजेन्सी – क्याटलान क्लब बार्सिलोनाका कप्तान लियोनेल मेस्सीको कप्तानीमा कोपा अमेरिका कपको लागि अर्जेन्टिनाको टोली घोषणा भएको छ ।
अर्जेन्टिना फुटबल फेडेरेसन (एएफए) र मुख्य प्रशिक्षक लियोनेल स्कोलानीले कोपाको लागि २८ सदस्यीय टोलीको घोषणा गरेको हो । प्रशिक्षक स्कोलानीले घोषणा गरेको टोलीमा यो सिजन क्लब फुटबलमा उच्च प्रदर्शन गरेका स्पेनिस क्लब सेभियाका विंगर लुकास ओकम्पासले स्थान बनाउन सकेनन् ।
२६ वर्षीय ओकम्पासले विश्वकप छनोटमा चिलीसँग १–१ गोलको बराबरी खेलेको खेलमा सुरुवाती रोजाईमा मौका पाएका थिए । ओकम्पासले गत सिजन सेभियाका लागि डेब्यु सिजनमा १४ गोल र ३ असिस्ट दिएका थिए ।
स्कोलानीको टोलीमा कप्तान मेस्सीसँगै लोउटारो मार्टिनेज, एन्जल डि मारिया, जोआक्विन कोरेआ, सर्जियो अगुएरो र लुकास एलारियोले अर्जेन्टिनाको आक्रमण सम्हाल्नेछन् । एलारियो चोटसँग जुधिरहेका कारण उनी पुर्ण ठीक नभएको अवस्थामा रिभर प्लेटका जुलिएन अल्भारेजलाई विकल्पमा राखिएको छ ।
अर्जेन्टिनाको टोली
गोलरक्षक – फ्रान्को अर्मानी, इमिलियानो मार्टिनेज, जुवान मुस्सो र अगस्टिन मार्चेसिन
डिफेन्डर – गोन्जालो मोन्टिइल, निकोलस ओटामेन्डी, जर्मन पिज्जीएला, निकोलस ट्याग्लिएफिको, लुकास मार्टिनेज क्वार्टा, मार्काेस एकुना, लिसान्द्रो मार्टिनेज, नाहुएल मोलिना लुसेरो र क्रिस्टियन रोमेरो
मिडफिल्डर – लियान्द्रो पारेडेस, जियोभानी लो सेल्सो, एक्सक्विल पालासिओस, निकोलस गोन्जालेज, गुइडो रोड्रिग्वेज, रोड्रिगो डि पउल, एलेजान्द्रो गोमेज, एन्जल कोरेआ , निकोलस डोमिन्ग्वेज
फरवार्ड – लियोनेल मेस्सी (कप्तान), लोउटारो मार्टिनेज, एन्जल डि मारिया, जोआक्विन कोरोआ, सर्जियो अगुएरो र लुकास एलारियो
